Arianespace
Запуск ракеты-носьбіта Vega з ваенным спадарожнікам Falcon Eye 1 Аб'яднаных Арабскіх Эміратаў (ААЭ) на борце завяршыўся аварыяй. Пра гэта паведаміла віцэ-прэзідэнт кампаніі Arianespace Люс Фабрэгет, трансляцыя старту вялася на сайце кампаніі.
Ракета стартавала з касмадрома Куру ў Французскай Гвіяне. Непаладкі пачаліся прыкладна праз дзве хвіліны пасля старту. Да страты місіі, па словах Фабрэгет, прывяла «сур'ёзная анамалія». Перад гэтым кампанія паведамляла, што ракета моцна адхілілася ад траекторыі палёту
Фабрэгет паабяцала, што спецыялісты Arianespace даследуюць прычыны няўдачы ў наступныя гадзіны. Пасля гэтага кампанія апублікуе афіцыйнае паведамленне аб здарэнні. Таксама яна прынесла прабачэнні ААЭ за страту спадарожніка.
Запуск ракеты неаднаразова пераносілі.
