Лідар Паўночнай Карэі Кім Чэн Ын стаў афіцыйным кіраўніком краіны пасля ўнясення паправак у Канстытуцыю.
Адзначаецца, што, згодна з 100-м артыкулам абноўленага галоўнага закона, «старшыня Дзяржаўнага савета КНДР з'яўляецца яе вярхоўным лідарам, які прадстаўляе дзяржаву». Гэту пасаду займае Кім Чэн Ын. Да гэтага фармальным лідарам краіны быў старшыня прэзідыума Вярхоўнага народнага сходу (з красавіка гэта месца займае Цой Рэн Хэ).
Да 2016 года Кім Чэн Ын насіў тытулы вышэйшага кіраўніка, лідара партыі, арміі і народа КНДР, Вярхоўнага Галоўнакамандуючага Карэйскай народнай арміі, маршала КНДР, дэпутата Вярхоўнага народнага сходу КНДР, Трэцяга сына Кім Чэн Іра і Вялікага нашчадка. Затым ён узначаліў яшчэ і Дзяржаўны савет.
0
0
0
0
0
0
