11.07.2019 / 22:52

«Вячэрні Магілёў» выдаліў з сайта матэрыялы да рашэння суда 1

З сайта «Вячэрняга Магілёва» зніклі два матэрыялы — «Лірычных пачуццяў нацягнутыя струны» і «Ува што выліваецца нецярпімасць да вычварэнцаў». Раней экспертная камісія пры Міністэрстве інфармацыі знайшла прыкметы экстрэмізму ў гэтых артыкулах.

На аснове рашэння камісіі Ленінскі РАУС пачаў адміністрацыйны працэс у дачыненні да газеты па артыкуле 17.11 КаАП. 8 ліпеня адбылося першае паседжанне.

Як адзначае праваабаронца Аляксандр Буракоў, матэрыялы заставаліся на сайце доўгі час пасля таго, як стала вядома пра прэтэнзіі Міністэрства інфармацыі да газеты.

У матэрыяле «У ва што выліваецца нецярпімасць да вычварэнцаў» аўтар Аляксандр С. шкадаваў аб жорсткім прысудзе для чалавека, які збіў гея, аўтар таксама прыраўняў ЛГБТ да педафілаў.

У артыкуле «Лірычных пачуццяў нацягнутыя струны» гэтага ж аўтара з распавядаецца гісторыя збіцця гея ў Слаўгарадскім раёне.

На гэты момант па электронных адрасах, дзе раней былі размешчаны артыкулы, засталася толькі форма для каментароў. Тэксты даступныя ў кэшы вэб-архіва.

0
Владимир.Бобруйск / Адказаць
12.07.2019 / 11:33
Редактора и её сыночка к ответственности, издание закрыть.
Каб пакінуць каментар, калі ласка, актывуйце JavaScript у наладах свайго браўзеру