12.07.2019 / 17:57

Bloomberg: Пуцін не пераканаў Лукашэнку аб'яднацца ў адну дзяржаву для захавання сваёй улады 31

Пуцін пасля выбараў 2024 года можа стаць прэм'ерам «з пашыранымі паўнамоцтвамі» і лідарам партыі «Адзіная Расія», такім чынам ён застанецца ва ўладзе, паведамілі агенцтву Bloomberg крыніцы.

Памочнікі і дарадцы прэзідэнта Уладзіміра Пуціна працуюць над тым, каб знайсці спосаб падоўжыць яго знаходжанне ва ўладзе, піша Bloomberg са спасылкай на крыніцы, якія ўдзельнічаюць у гэтым працэсе.

Крэмль разглядае сцэнар са зніжэннем колькасці дэпутатаў Дзярждумы, якія выбіраюцца па партыйных спісах, да 25%, і павелічэннем долі мажарытарных дэпутатаў, распавялі агенцтву дзве крыніцы, праінфармаваныя пра падрыхтоўку такіх змен. У 2016 годзе палову Думы абралі па партыйных спісах, палову — па аднамандатных акругах.

Гэта дазволіць Крамлю захаваць кантроль над ніжняй палатай ва ўмовах падзення папулярнасці «Адзінай Расіі», гаворыцца ў артыкуле. Перамены могуць уступіць у сілу да выбараў 2021 года. Адзінаросы, працягваюць крыніцы агенцтва, у такім выпадку пойдуць на выбары як фармальна незалежныя мажарытаршчыкі.

Змяненні дазволяць Пуціну «атрымаць поўны кантроль над новым парламентам» за тры гады да заканчэння яго прэзідэнцкіх паўнамоцтваў, кажа адна з крыніц, на фоне падзення рэйтынгаў партыі ўлады.

Дзве блізкія да Крамля крыніцы і заканадавец з «Адзінай Расіі» таксама сказалі агенцтву, што гэтыя перамены дазволяць Уладзіміру Пуціну застацца ва ўладзе пасля 2024 года, «утрымліваючы ўладу як кіраўнік кіруючай партыі і як прэм'ер-міністр з пашыранымі канстытуцыйнымі паўнамоцтвамі на шкоду прэзідэнцкім».

У канцы сакавіка агенцтва пісала пра іншы сцэнар з захаваннем Пуціна ва ўладзе пасля 2024 года: аб'яднанне Расіі і Беларусі.

Аднак цяпер агенцтва гэты варыянт лічыць неактуальным.

«Намаганні, накіраваныя на тое, каб пераканаць лідара суседняй Беларусі ў патэнцыйным зліцці з Расіяй, якое дазволіла б Пуціну стаць кіраўніком аб'яднанай дзяржавы, пацярпелі няўдачу»,

— піша Bloomberg.

Казахстанскі варыянт у Расіі таксама выглядае нерэалістычным, паколькі новы прэзідэнт можа кінуць выклік Пуціну.

NN.by

4
Железный Дровосек / Адказаць
12.07.2019 / 18:12
Самый тупой инфантилизм—держаться любыми средствами за власть,которая рано или поздно вс равно уплывет.Именно поэтому достойны глубокого уважения страны Европы,где за власть,как упыри,никто не держится скрюченными пальцами.И именно поэтому не вызывают никакого уважения страны типа рф или нашей—вопрос зрелости народа.И инфантилизма.
4
Скураныя крылы / Адказаць
12.07.2019 / 18:28
Шчыльней рады. Супакойвацца пакуль рана.

5
любите родину мать вашу / Адказаць
12.07.2019 / 18:39
как-то сомнительно, что там отношения строятся по принципу убеждения? - "Bloomberg: Путин не убедил Лукашенко..." скорее всего, это - приблизительный перевод с английского?
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру