12.07.2019 / 20:18

Расійскі віцэ-прэм'ер: Патрабаванні Беларусі павысіць тарыф на прапампоўку нафты справядлівыя, але не да такой ступені 4

Урад Расіі лічыць справядлівым патрабаванне Беларусі аб павышэнні тарыфу на прапампоўку нафты па сваёй тэрыторыі, але яно павінна быць ніжэйшым, чым прапануюць улады Беларусі. Пра гэта журналістам паведаміў расійскі віцэ-прэм'ер Дзмітрый Козак, піша ТАСС.

Паводле яго слоў, Расія гатова разгледзець пытанне аб паступовым выраўноўванні тарыфаў у Расіі і Беларусі для «Транснафты» і ўжо падрыхтавала кампрамісны варыянт.

«Патрабаванні па павышэнні тарыфу на транзіт нафты праз Беларусь справядлівыя, але не да такой ступені, якая была заяўлена беларускім бокам (на 21,7%). Не да такой ступені, гаворка ідзе аб выраўноўванні, там сапраўды самыя нізкія тарыфы на прапампоўку нафты, ніжэйшыя, чым у Расіі, ніжэйшыя, чым ва Украіне і ў Еўропе», — сказаў ён.

Козак адзначыў, што мае намер у суботу абмеркаваць з віцэ-прэм'ерам Беларусі Ігарам Ляшэнкам тарыф на прапампоўку нафты. Паводле яго слоў, мінімальна ён вырасце да ўзроўню дзеючага на тэрыторыі Расіі, але ўжо гатова кампрамісная прапанова.

NN.by

0
вусцішны троль / Адказаць
12.07.2019 / 20:53
То бок Расея будзе вырашаць які тарыф на прапампоўку нафты павінен быць у Беларусі
0
Ёпрст / Адказаць
12.07.2019 / 21:49
Вось вам і прыклад, як Арда мае Рыгоравіча і разам з ім Беларусь!
1
0.5 / Адказаць
13.07.2019 / 00:37
Это только в России есть понятие. как степень справедливости. Вроде осетрины второй свежести.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру