13.07.2019 / 12:42

Гіпотэза: праз 30 гадоў клімат у Мінску будзе падобны да сённяшняга ў Сафіі 10

Атрымліваецца, будзе вельмі цёплы сакавік і кастрычнік.

Да 2050 года клімат у Мінску будзе нагадваць сённяшнюю Сафію: сярэднегадавая тэмпература вырасце на 2,8 градуса, а самы цёплы месяц у годзе стане на 5,7 градуса цяплейшы.

Пра гэта сведчаць вынікі даследавання, праведзенага даследчым цэнтрам Crowther Lab з Тэхналагічнага ўніверсітэта Цюрыха.

Тыповае надвор'е ў Лондане будзе падобнае на сучасную Барселону, Стакгольм — на Будапешт, Рыга — на Вену, Вільня — на Прышціну, а Кіеў наогул на сталіцу Аўстраліі Канберу.

Сёння, напрыклад, у Сафіі да +25, а пад канец наступнага тыдня будзе да +29.

У цэлым большасць з 520 уключаных у даследаванне гарадоў з пункту гледжання клімату «зрушацца» прыкладна на 1000 км у бок экватара. У многіх гарадах гэта запатрабуе рэзкіх змяненняў у інфраструктуры (напрыклад, з забеспячэннем пітной вадой) і можа негатыўна паўплываць на здароўе насельніцтва. Асабліва драматычныя змены могуць чакаць гарады ў Цэнтральнай Еўропе — у прыватнасці, Вену і Любляну — там самы цёплы месяц у годзе пацяплее яшчэ на на 7-8 градусаў.

Пабудаваныя на аснове цяперашніх дадзеных (з улікам ападкаў і сезоннасці) мадэлі прадказваюць, што сярэдняя тэмпература ў свеце можа вырасці на 2,4 градуса, а Еўропа стане цяплейшай на 2,5 градусаў. Зімы ў Еўропе будуць цяплейшыя на 4,7 градуса.

NN.by

31
Юзік Крулеўскі / Адказаць
13.07.2019 / 13:11
Эх-х! Жыць бы ў "ту прекрасную пору"! Не дажыву! А плакальшчыкі з Нашай Нівы няхай матаюць у Антарктыду! Там, нарэшце, яны будуць пачувацца камфортна! Зімой -- - 85, летам -- - 65!

У мяне завязалася з дзясятак кавуноў! Ну, думаю, паем! Хрэн табе. Тры тыдні холаду і няспынных дажджоў! Не саспеюць! Ужо і плеці завялі некаторыя ад калатуна! Эх, плакальшчыкі, няшчасныя! Накаркалі! Каб вы ўсю рэшту жыцця выбіралі калгасную бульбу па праліўным і сцюдзёным дажджом!
15
LitvinM / Адказаць
13.07.2019 / 14:11
Юзік Крулеўскі,
100% - ЗГОДА 
6
Тарас-на-тэрасе / Адказаць
13.07.2019 / 17:13
Юзік Крулеўскі,
Такім ідыётам як вы скажаш будзе ядзерная вайна, яны будуць радавацца, што шашлыкі можна будзе смажыць на гаўбцы без вуглёў.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру