Канстытуцыйны суд Украіны прызнаў канстытуцыйным закон аб дэкамунізацыі, піша Українська правда.
Адзначаецца, што ў аўторак у закрытым рэжыме ён разглядаў пытанне вызначэння канстытуцыйнасці закона «Аб асуджэнні камуністычнага і нацыянал-сацыялістычнага (нацысцкага) таталітарных рэжымаў ва Украіне і забароне прапаганды іх сімволікі».
Па словах крыніцы, суд вырашыў, што прапаганда камуністычнага рэжыму з'яўляецца спробай апраўдаць таталітарызм і адмаўленнем канстытуцыйных прынцыпаў і дэмакратычных каштоўнасцяў.
Таксама гэта з'яўляецца рэальнай пагрозай для сучаснай украінскай дзяржаўнасці.
