17.07.2019 / 10:51

Літва яшчэ думае, ці запрашаць Лукашэнку ў Вільню 16

Defli.lt

Прэзідэнт Літвы Гітанас Наўседа кажа, што гатовы паляпшаць адносіны з Беларуссю, але абяцае трымацца жорсткай пазіцыі наконт блакавання імпарту электраэнергіі з Беларускай АЭС у Астраўцы, піша Delfi

«Я перакананы, што нам не варта купляць электраэнергію з электрастанцыі, пабудаванай без выканання патрабаванняў бяспекі, бо гэта пагроза для нашых жыхароў, гэта пагроза нашай бяспецы», - сказаў Г. Наўседа журналістам у Варшаве ў аўторак.

«Але калі магчыма паляпшаць адносіны з улікам вось гэтага складніку, гэтага фактару, то я гатовы гэта рабіць», — дадаў прэзідэнт.

Ён сказаў, што пакуль не прыняў рашэнне, ці можа дыялог з Беларуссю праходзіць на самым высокім узроўні.

Па словах прэзідэнта, зараз Літва яшчэ думае, каго з прадстаўнікоў беларускіх уладаў запрасіць на цырымонію перапахавання астанкаў удзельнікаў паўстання 1863-1864 гадоў, запланаваную на восень у Вільні.

«Ці павінен гэта быць візіт кіраўніка самага высокага ўзроўню, дазвольце нам пра гэта яшчэ падумаць, і я лічу, што неўзабаве мы зможам адказаць вам на гэтае пытанне», - сказаў Г. Наўседа.

Па словах прэзідэнта Літвы, адносіны з Беларуссю былі важнай тэмай для абмеркавання на яго сустрэчах з прэзідэнтам Польшчы Анджэем Дудам, прэм'ерам Матэвушам Маравецким і лідарам кіруючай партыі Яраславам Качыньскім.

NN.by

2
Звыклы беларус / Адказаць
17.07.2019 / 11:02
запрашайце сьмела Лу-ку на ушанаванне Беларуских Герояу, палеглых у барацьбе з Ардой - 100% не паедзе !
33
Нейкі чалавек / Адказаць
17.07.2019 / 11:05
Можна падумаць, што, калі нават ён і надумаецца запрасіць "кіраўніка самага высокага ўзроўню", дык гэта кіраўнік туды паедзе) Асабіста я да такога хамаватага не паехаў бы. Гэта як казаць суседу: "Я яшчэ падумаю, запрашаць цябе ў госці ці не", а потым: "Ну, прыходзь ужо, ладна, пацярплю". Хто ў такія госці пойдзе?
2
LitvinM / Адказаць
17.07.2019 / 11:47
Думай / не думай - а ўжо на перапахаваньне герояў Беларусі, якімі есьць паўстанцы Каліноўскага, ды САМОГА КАЛІНОЎСКАГА - Лукашенка не паедзе, нават калі яго волакам туды цягнуць. Гэта супраць яго сутнасьці на усе адсоткі сусьвета
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру