17.07.2019 / 12:26

У Маладзечанскім раёне пяцігадовы хлопчык знайшоў гіганцкі баравік ФОТАФАКТ  10

У Маладзечанскім раёне 5-гадовы Іван Лаўрынцоў знайшоў баравік вагой 600 грамаў. Мама хлопчыка Алена распавядае, што такіх вялікіх грыбоў у гэтых краях яны ніколі не сустракалі, піша Tut.by

Фота з архіва герояў

Вялікі грыб маленькі Ваня знайшоў у лесе недалёка ад вёскі Аляхновічы. 16 ліпеня яны з дзядулем пайшлі на чыгуначную станцыю «Аляхновічы» сустракаць бабулю з электрычкі і па дарозе дзіця заўважыла грыб. «Дзед, глядзі», — звярнуў увагу Віктара Васільевіча ўнук. Аказалася, гэта велізарны баравік. Капялюшык у яго большы, чым галава дарослага чалавека.

— Побач з гэтым баравіком рос яшчэ адзін, ён быў большы, але чарвівы, — расказвае Алена. — А гэты зусім чысты. Нашаму дзядулю 65 гадоў. Ён нарадзіўся ў вёсцы і з сямі гадоў ходзіць у лес. Кажа, толькі раз знайшоў грыб памерам з 5-літровае вядзерца.

На станцыі Ваня з вялікім баравіком быў у цэнтры ўвагі. Мінакі хвалілі, а некаторыя нават прапаноўвалі выкупіць у яго знаходку. Колькі прапаноўвалі, Ваня не расказвае, ды і грыб ён не прадаў.

Дома баравік узважылі — 600 грам. Потым парэзалі на дробныя кавалачкі і засушылі.

— У нашага дзядулі шэсць унукаў, таму зімой хопіць на ўсю сям'ю, — усміхаецца Алена.

NN.by

0
Жвір / Адказаць
17.07.2019 / 13:00
O, dlia dziaciej heta ž takaja padzieja, buduc` pamiatac`. :) Dzie im moža byc` liepiej, čym na vioscy? heta ž stoļki pryhodaū štodnia ! :)
0
Юзік Крулеўскі / Адказаць
17.07.2019 / 13:39
А хто тут пару дзён таму распінаўся, што грыбоў і не прадбачыцца? Я пра Нашу Ніву!  Гэта -- яўная прыкмета, калі Наша Ніва піша, што гамон і нічога і не будзе, то, як раз, ўсё будзе наадварот. Трэба ехаць па грыбы з самазвалам! Я тут учора зайшоў на Фэйсбук да аднаго знаёмага! Выставіў фоты, праўда малодзенькіх падасінавікаў! Хоць касой грыбоў касі -- у Галубіцкай пушчы! Людзі азалацяцца! Машыны пакупляюць за здадзеныя грыбы!
0
vovik21.12 / Адказаць
17.07.2019 / 13:42
Ну всё, Олехновичи вытопчат)))
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру