17.07.2019 / 14:52

Памятаеце футбаліста-мажора на «Інфініці»? Яму далі два гады хатняй хіміі 6

Ілля і Анастасія ў судзе, фота Tut.by

У судзе Цэнтральнага раёна была разгледжана справа былога футбаліста «Мінска» Іллі Лухвіча і яго дзяўчыны Анастасіі Буцько, у мінулым студэнткі Акадэміі міліцыі.

Лухвічу далі 2 гады абмежавання волі без накіравання ў папраўчую ўстанову.

Анастасія Буцько атрымала 1 год і 6 месяцаў абмежавання волі без накіравання ў папраўчую ўстанову.

Адвакат адзначыў, што падсудныя задаволены рашэннем суда і не думаюць абскардзіць прысуд.

Паводле абвінавачання, Лухвіч і Буцько куплялі няспраўныя айфоны, а потым пад выглядам рабочых прадавалі іх у інтэрнэце. У крымінальнай справе — шэсць эпізодаў.

Па версіі следства, маладыя людзі куплялі няспраўныя айфоны 7, пры продажы паказвалі свой, рабочы тэлефон, а потым падмянялі яго на нерабочы. У некаторых выпадках проста не паказвалі на няспраўнасць тэлефона. У аб'яве пісалі «працуе ідэальна». Кожны тэлефон куплялі ў сярэднім за 150 даляраў, а прадавалі прыкладна за 300 даляраў.

Футбаліст ганяе па Мінску на дарагой машыне і фіксуе «подзвігі»-парушэнні ў сябе ў інстаграме ВІДЭА

Футбаліста Іллю Лухвіча пакінулі на суткі. На яго і яго дзяўчыну могуць яшчэ і завесці справу за махлярства

27
Павел Ас / Адказаць
17.07.2019 / 15:02
Добра што ў краіне працуе сістэма, якая здольна первыхаваць мажораў, якія вырашылі пагуляць у "Боні і Клайда". Спадзяюся адумаюцца і сумленна будуць працаваць на карысць дзяржавы.
1
Электробус / Адказаць
17.07.2019 / 15:04
Пакрасаце прысеў
1
Ліцьвін металіст / Адказаць
17.07.2019 / 15:41
Лёгка аддзелаўся яздун, у ЗША на паў гады ў турму адправілі б, а гэта ўжо адзнака і ў пашпарце і пятно на ўсё жыцьцё. Прыгасілі пеўня трошкі.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру