Прэзідэнт Украіны Уладзімір Зяленскі заявіў, што ў якасці першага кроку Кіеў гатовы абмяняць журналіста Кірыла Вышынскага, што знаходзіцца за кратамі ва Украіне, на асуджанага ў Расіі нібыта за тэрарызм украінскага рэжысёра Алега Сянцова.
Паводле яго слоў, Кіеў хоча, «каб такі момант наступіў у найбліжэйшы час». Пры гэтым ён дадаў, што, нягледзячы на гэтую гатоўнасць, Украіна разлічвае атрымаць усіх зняволеных у Расіі ўкраінцаў.
Раней прапанову адначасова вызваліць Сянцова і Вышынскага агучыла прэс-сакратар Зяленскага Юлія Мендэль. Так яна адказала на словы прэс-сакратара прэзідэнта Расіі Дзмітрыя Пяскова аб тым, што першым крокам Украіны насустрач Расіі павінна стаць вызваленне Кірылы Вышынскага.
0
0
0
0
0
0
