19.07.2019 / 11:52

Да канца ліпеня сіноптыкі паабяцалі цёплае надвор'е, але з дажджамі 2

Цёплае надвор'е з кароткачасовымі дажджамі чакаецца ў Беларусі ў трэцяй дэкадзе ліпеня, паведаміў сёння на прэс-канферэнцыі начальнік службы метэаралагічных прагнозаў Мінпрыроды Аляксандр Бяганскі.

«У выходныя, 20 і 21 ліпеня, тэмпература ў большасці раёнаў чакаецца ў межах ад 22 да 29 градусаў цяпла [у Мінску каля 25], ападкаў будзе няшмат. Але на пачатку наступнага тыдня прагназуюцца дажджы, звязаныя з атмасфернымі франтамі, якія будуць перамяшчацца да нас з тэрыторыі Польшчы.

Тэмпературны фон будзе блізкім да кліматычнай нормы. да канца ліпеня ў начны час будзе ў сярэднім ад 10 да 17 градусаў вышэй за нуль, днём — ад 21 да 28 градусаў, у паўднёва-заходніх раёнах да +30. Перыядычна будуць ісці кароткачасовыя навальнічныя дажджы», — сказаў Аляксандр Бяганскі.

NN.by

0
Жвір / Адказаць
19.07.2019 / 11:58
цёпла i дажджамі
O! Heta značyc`, što iznoū narascie baravikoū !
2
LitvinM / Адказаць
19.07.2019 / 12:51
Няўжо? Зараз зноў пачнецца - пекла, жыць невыносна
Каб пакінуць каментар, калі ласка, актывуйце JavaScript у наладах свайго браўзеру