Як паведамляе Mogilevnews.by, у гульнявым клубе на вуліцы Ленінскай 30-гадовы магілёвец абмяняў беларускія рублі на аркушы паперы з двухбаковай выявай банкноты 200 еўра.
Супрацоўнікі аддзела крымінальнага вышуку затрымалі 28-гадовага беспрацоўнага раней не асуджанага грамадзяніна Туркменістана, які прапанаваў магілёўцу здзелку — 200 еўра абмяняць на 200 рублёў.
Мужчына настойліва пераконваў іншага наведвальніка клуба, што ідзе на такія абменныя страты толькі таму, што яму тэрмінова патрэбныя грошы для гульні. Праз некаторы час ён папрасіў абмяняць яшчэ адну купюру, і даверлівы магілёвец пагадзіўся. Пасля, калі мужчына адправіўся ў банк, каб абмяняць еўра, якія трапілі да яго ў рукі, яму паведамілі пра тое, што грошы не з'яўляюцца плацежным сродкам.
Па словах іншых наведвальнікаў клуба, у мужчыны з еўра было шмат купюр, і з гульнявога клуба ён выходзіў, трымаючы іх веерам ў руках. Цяпер яго затрымалі.
