20.07.2019 / 17:56

У Брэсце збіраюцца ўсталяваць бюст маршала Ракасоўскага 21

У Брэсце плануецца ўсталяваць памятны знак ахвярам гета і бюст маршала Канстанціна Ракасоўскага. Пра гэта заявіў старшыня гарвыканкама Аляксандр Рагачук на сустрэчы з жыхарамі абласнога цэнтра, перадае БелТА.

У пачатку гэтага года на будаўнічай пляцоўцы ў цэнтры Брэста былі знойдзеныя парэшткі 1214 вязняў яўрэйскага гета. Прынята рашэнне ўвекавечыць іх памяць і ўсталяваць памятны знак на скрыжаванні праспекта Машэрава і вуліцы Куйбышава.

«Хочам зрабіць знак, які стане ў тым ліку месцам ўвагі моладзі, турыстаў. Вывучаем сусветны вопыт, падыходы. Тыя эскізы, якія цяпер ёсць, у прынцыпе, дазваляюць казаць, што будзе цікавы праект. Ён прымусіць жыхара сучаснага горада ўспомніць падзеі 1941—1942 гадоў: на карту цяперашняга Брэста накладзем карту гета з тымі назвамі вуліц», - распавёў Аляксандр Рагачук.

Таксама мэр адзначыў, што грамадскасць прапанавала ўвекавечыць памяць маршала Канстанціна Ракасоўскага, які кіраваў аперацыяй па вызваленні Брэста.

Канстанцін Ракасоўскі ў маладосці.

«На бюсце хочам напісаць па-беларуску: «Маршалу Ракасоўскаму ад удзячных берасцейцаў».

Адпаведныя ўзгаднення з Міністэрствам культуры пройдзены, зараз ідзе працэс творчага ўвасаблення. Але самае складанае — выбар месца», — падкрэсліў старшыня гарвыканкама.

Чытайце: На 1000-годдзе Брэста ў цэнтры горада паставяць трохметровы бюст Пушкіна

NN.by

47
Вецер валос. / Адказаць
20.07.2019 / 18:30
Ракасоўскі-гэта заслугоўвае!!!
6
Jan / Адказаць
20.07.2019 / 18:47
Ок. 
Мікалая Радзівіла яшчэ не трэба забыць і іншых. Брэсту 1000 год, а не 70.
47
Паляк з Польшчы / Адказаць
20.07.2019 / 19:05
Еще один памятник советскому коммунисту. Как будто их было недостаточно...
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру