УНІАН
Журналістка Соня Кошкіна ў сваім тэлеграм-канале апублікавала неафіцыйныя звесткі трох экзіт-полаў на датэрміновых парламенцкіх выбарах ва Украіна па стане на 12:00.
Афіцыйна вынікі забаронена публікаваць да закрыцця выбарчых участкаў, але журналісты знаходзяць спосабы данесці інфармацыю.
Згодна з Нацыянальным экзіт-полам, «Слуга народа» набірае 41,4%, «Апазіцыйная платформа — За жыццё» Віктара Медведчука — 14,1 працэнта, у «Еўрапейскай салідарнасці» Пятра Парашэнкі - 8,5%, у «Бацькаўшчыны» Юліі Цімшэнка — 8,1%. «Голас» набірае 5% і пераадольвае неабходны бар'ер.
Ёсць таксама звесткі 'экзіт-полаў ад КМіС і Цэнтра Разумкова.
Паводле іх «Слуга народа» мае 40,6 і 42,2% адпаведна, «За жыццё» — 14,4 і 13,8%, партыя Парашэнкі — 9,4 і 7,7%, «Бацькаўшчына» — 8,2 і 8,0%, «Голас» — 5.2 і 4.7%.
Такім чынам, галоўная інтрыга: праходзіць «Голас» па партыйных спісах, ці не
Згодна са звесткамі Мустафы Наема, Вакарчуку таксама не ўдасца пераадолець бар'ер 5%.
Па партыйных спісах абіраецца 225 чалавек, яшчэ 199 (іншыя 26 месцаў прыпадае на Крым і Данбас, дзе дэпутаты не будуць абраныя) абіраюцца простай большасцю галасоў.
Ніхто не сумняваецца ў перамозе «Слугі народа». Пытанне, колькі галасоў яна набярэ і ці будзе фармаваць кааліцыю. Раней у партыі сказалі, што гатовы фарміраваць кааліцыю з «Голасам» і «Бацькаўшчынай» і ні пры якіх умовах з «Апазіцыйнай платформай — За жыццё» і «Еўрапейскай салідарнасцю».
