22.07.2019 / 11:23

Лукашэнка: Беларусь не бачыць перашкодаў для ўзмацнення палітычнага дыялогу з ЕС і гатова да гэтага 40

Пра гэта Аляксандр Лукашэнка заявіў сёння на сустрэчы з кіраўніком прадстаўніцтва ЕС у Беларусі Андрэа Віктарын, піша БелТА.

«Няма сёння перашкод для таго, каб узмацняць дыялог не толькі па эканамічных, але і палітычных пытаннях. Беларусь да гэтага гатовая. Давайце будзем у гэтым кірунку рухацца, не чакаючы якіх бы там ні было падзей: ці то парламенцкіх, ці то прэзідэнцкіх выбараў. Мяркую, нашы адносіны важнейшыя за ўсялякія палітычныя кампаніі ў вас ці ў нас», — падкрэсліў Аляксандр Лукашэнка.

Кіраўнік дзяржавы таксама адзначыў вялікі ўклад Андрэа Віктарын у развіццё адносін паміж Беларуссю і ЕС, падкрэсліўшы, што апошнія гады яны развіваюцца найбольш эфектыўна. «Я вам удзячны ад імя беларускага народа за гэты прамежак часу, які вы адпрацавалі і які быў вельмі пазітыўны ў нашых адносінах з Еўрасаюзам, — сказаў ён. — Я вельмі спадзяюся, што на замену вам прыедзе дастойны чалавек. Я хачу пажадаць вам усялякіх поспехаў у Арменіі. Гэта сяброўская Беларусі краіна, у чымсьці вельмі падобная, таму вам лёгка будзе ўвайсці ў курс справаў у Арменіі. І не забывайце, што чатыры гады — гэта ўсё ж такі пэўны тэрмін у вашым жыцці, і ён звязаны з Беларуссю. Мы заўсёды будзем рады бачыць вас, тым больш для вас візы не патрэбныя».

Асобную падзяку Аляксандр Лукашэнка выказаў за фінансавую падтрымку, якую ЕС робіць праектах у Беларусі, у тым ліку па развіццю інфраструктуры. «Гэта трэба будзе не толькі беларусам, але і еўрапейцам», — падкрэсліў ён.

Андрэа Віктарын у сваю чаргу дадала, што за апошнія некалькі год Беларусі і Еўрапейскаму саюзу ўдалося пабудаваць даверныя адносіны адзін з адным. «Паміж намі адбываецца адкрыты дыялог як з палітычных тэмах, так і па эканамічных, а таксама па спецыфічным, асобных пытаннях, такім як гандаль, мытныя пытанні і гэтак далей», — адзначыла яна.

Як паведамлялася, у ліпені на пасаду кіраўніка прадстаўніцтва ЕС у Беларусі быў вылучаны начальнік упраўлення Расіі Еўрапейскай службы знешніх дзеянняў Дзірк Шубель. Андрэа Віктарын накіруецца прадстаўляць інтарэсы Еўрасаюза ў Арменію.

0
Аляксандр1985 / Адказаць
22.07.2019 / 11:35
калі ён ужо вызначыцца? 25 гадоў не туды і не сюды..., то ў Расія браты назаўсёды, то чарговы раз налалджвае дыялог з ЕС
5
Юзік Крулеўскі / Адказаць
22.07.2019 / 11:56
Ну, хітры кагаснік! Бадай цябе пранцы! То ён, пару дзён таму, рахункі Захаду прад'яўляў, маўляў не разлічыліся за 2-ю сусветную, а цяпер ён гатовы да дыялогу і без усялякіх рахункаў.
0
фелікс / Адказаць
22.07.2019 / 12:03
Колькі гадоў гэтаму бла-бла ? Чаго не ідзе у Сусветную Гандлёвую Арганізацыю ? Усе нармальныя краіны там, нават яго сябра Пуцін. Чаму падпарадкоўвае Беларусь Расеі ?
Паказаць усе каментары/ 40 /
Каб пакінуць каментар, калі ласка, актывуйце JavaScript у наладах свайго браўзеру