22.07.2019 / 20:44

У Чэхіі завялі крымінальную справу супраць грамадзяніна Беларусі за ўдзел у баях на Данбасе 6

Чэская пракуратура адкрыла справу супраць грамадзяніна Беларусі, які жыве ў Чэхіі, за ўдзел у баявых дзеяньнях на Данбасе на баку «Данецкай народнай рэспублікі» («ДНР»). Пра гэта паведаміў у панядзелак журналістам прадстаўнік чэскай Генэральнай пракуратуры Марэк Бодлак, піша «Радыё Свабода».

«Крымінальны перасьлед замежнага грамадзяніна зь відам на жыхарства ў Чэхіі пачаўся сёлета ў ліпені», — сказаў ён.

Беларускі грамадзянін, 40-гадовы Аляксей Ф., паводле Бодлака, ад 2014 да 2016 году неаднаразова выяжджаў на ўсход Украіны. Там ён быў задзейнічаны ў баявых апэрацыях у складзе частак сіл «ДНР.» Яму пагражае да 15 гадоў зьняволеньня.

Пад падазрэньне дэтэктываў з Нацыянальнага цэнтру барацьбы з арганізаванай злачыннасьцю грамадзянін Беларусі трапіў летась. Два тыдні таму быў абвінавачаны ў «тэрарыстычнай дзейнасьці, у выніку якой магла быць нанесеная цяжкая шкода здароўю грамадзян».

Абвінавачаны ў гэты момант ужо адбывае турмовы тэрмін за нанясеньне цяжкіх пашкоджаньняў.

У Чэхіі крымінальныя справы паводле абвінавачаньняў ва ўдзеле ў баях на ўсходзе Ўкраіны распачатыя супраць 15 грамадзянаў. Чэскае заканадаўства забараняе грамадзянам краіны службу ў замежных узброеных сілах і ваенізаваных падразьдзяленьнях, якія былі задзейнічаныя ў баявых апэрацыях. Забарона не пашыраецца на асобаў, якія атрымалі адпаведны дазвол ад прэзыдэнта рэспублікі.

1
Дед Мороз / Адказаць
22.07.2019 / 23:04
пожизненное давайте, чтобы эта мразь сюда не приехала
11
Брыдкая пачвара / Адказаць
22.07.2019 / 23:30
А чаму радыё Свабода і Наша Ніва не распавядае пра судзебныя справы і прысуды найміты, якія ваевалі на баку Украіны? Напрыклад, асуджанага ў Італіі украінца на 24 гады за найміцтва, удзел у карнікавым дабрабаце, забойствы мірных грамадзян.
0
Па-коласаўску мудры / Адказаць
23.07.2019 / 10:54
Ездзіў забіваць украінцаў і ўжо адбывае пакаранне, праўда не за гэта? Прысудзіць яго да пажыццёвага і яшчэ 15 гадоў. Звычайная фармулёўка ў Штатах, дарэчы.

P.S. А пасля адбыцця пакарання - дэпартаваць.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру