Здарэнне адбылося каля 9.00 на трасе Касцюковічы — Клімавічы каля в. Муравілле. Там сутыкнуліся аўтамабіль «Сааб» і трактар «МТЗ» з прычэпам, паведамляе прэс-служба МУС.
У выніку ДТЗ загінулі 27-гадовы кіроўца «Сааба» і яго 24-гадовы пасажыр. 55-гадовы трактарыст і двое 24-гадовых пасажыраў легкавіка шпіталізаваныя.
Мяркуецца, што «Сааб» абганяў трактар, калі той пачаў паварочваць налева. У выніку аўтамабіль апынуўся пад прычэпам, а сам цягач перакуліўся.
Цяпер на месцы здарэння працуюць супрацоўнікі ДАІ і следча-аператыўная група.
0
0
0
0
0
0