23.07.2019 / 15:46

Яшчэ адзін ураджэнец Беларусі прайшоў ва ўкраінскую Раду

На выбарчай акрузе №202 з цэнтрам у Старажынцах Чарнавіцкай вобласці перамогу на выбарах ва ўкраінскую Раду атрымаў ураджэнец беларускага Магілёва — кандыдат ад партыі «Слуга народа» Максім Зарэмскі.

Зарэмскі Максім Валянцінавіч нарадзіўся 26 верасня 1991 у горадзе Магілёў, Беларусь. Але ў дзяцінстве пераехаў з бацькамі ва Украіну.

Скончыў «Букавінскі Універсітэт» па спецыяльнасці «Права» і Чарнавіцкі нацыянальны універсітэт імя Юрыя Фядзьковіча па спецыяльнасці «Права».

Працаваў начальнікам аддзела планавання, аператыўнага дзяжурства сувязі і апавяшчэння Упраўлення грамадзянскай абароны насельніцтва Чарнавіцкай абласной дзяржаўнай адміністрацыі.

Зарэмскі жыве разам з мамай у жылым доме плошчай 51,4 кв м у вёсцы Рэвакоўцы Кіцманскага раёна.

Максім Зарэмскі не валодае ніякімі транспартнымі сродкамі або аб'ектамі нерухомасці. У 2018 годзе ён зарабіў больш за 171 000 грыўняў (каля $6,6 тысячы).

NN.by

Каб пакінуць каментар, калі ласка, актывуйце JavaScript у наладах свайго браўзеру