23.07.2019 / 19:34

У Драгічынскім раёне чатырохгадовая дзяўчынка атрымала апёкі варам 1

Дзяўчынка разам з мамай знаходзілася ў гасцях у аграгарадку Радастава.

Гаспадыня дома ў гэты час займалася кансервацыяй агуркоў, кіпяціла ваду. Калі чарговая порцыя вады закіпела, жанчына ўзяла напоўнены электрачайнік і хацела адысці з ім у бок. Аднак падстаўка ад яго не адлучылася — нацягнуўся дрот, і вада пралілася на дзяўчынку. З апёкамі твару і тулава яе шпіталізавалі.

Для ўстанаўлення ступені цяжкасці апёкаў прызначана судова-медыцынская экспертыза, якую правядуць супрацоўнікі Кобрынскага міжраённага аддзела ГКСЭ.

На жаль, атрыманне тэрмічных апёкаў гарачай вадкасцю ў хатніх умовах не рэдкасць сярод маленькіх дзяцей. Часцей за ўсё гэта апёкі канечнасцяў, твару і пярэдняй часткі тулава 1-й, 2-й, часам 3-й ступені.

2
Матёрый / Адказаць
23.07.2019 / 19:49
Я вчера то же открыл кран с горячей водой. И чё?!
Каб пакінуць каментар, калі ласка, актывуйце JavaScript у наладах свайго браўзеру