23.07.2019 / 20:33

Бізнэсмен перадаў свайму кіроўцу $8 тысяч для іншага чалавека. Кіроўца праматаў іх у казіно 2

У красавіку барысаўскі бізнэсмен вырашыў перадаць свайму гомельскаму сваяку 8 тысяч даляраў гатоўкай праз свайго 24-гадовага кіроўцу. У выніку кіроўца з грашыма знік, паведамляе міліцыя.

Хлопец працаваў у фірме на пасадзе кіроўцы крыху больш за год, таму падстаў не давяраць яму не было. Ды і сам кіроўца паручыўся за дастаўку грошай і паабяцаў без праблем адвезці іх адрасату. Неўзабаве стала вядома, што грошы ў Гомелі так і не з'явіліся, а кіроўца перастаў выходзіць на сувязь.

Думаць пра тое, што яго работнік мог проста знікнуць з грашыма, мужчына не стаў. Перш за ўсё, ён выказаў здагадку, што нешта здарылася ў дарозе, магчыма, трапіў у ДТЗ. Таму ён прыняў рашэнне самастойна праехацца па дарозе свайго кіроўцы. Аднак нідзе па трасе ні машыны, ні вадзіцеля не знайшоў.

Праз некалькі дзён машына бізнэсмена была знойдзена ў адным са спальных раёнаў горада. Але, вядома ж, грошай там не аказалася. Зрэшты, як і кіроўцы. Ён проста знік, а працоўны тэлефон папросту выключыў або выкінуў.

На днях супрацоўнікам крымінальнага вышуку ўдалося знайсці кіроўцу: хлопец меў пастаянную рэгістрацыю ў Барысаве, аднак пасля інцыдэнту хаваўся ў Жодзіне.

Затрымалі яго ў зале гульнявых аўтаматаў. Малады чалавек прызнаўся ў злачынстве і расказаў, што, атрымаўшы ад свайго начальніка даручэнне даставіць грошы, вырашыў з'ехаць з Барысава. Выкрадзеныя грошы ён змарнаваў за два дні ў адным са сталічных казіно.

Барысаўчаніну пагражае да 7 гадоў пазбаўлення волі.

NN.by

0
Внук антисоветского партизана / Адказаць
24.07.2019 / 10:47
У водителя какая-то советская душа. Сказано же в Библии, что слушаться надо начальника, потому что он есть Божий слуга на Земле. Теперь этот представитель пролетариата будет гнить в тюрьме.
0
Внук антисоветского партизана / Адказаць
24.07.2019 / 10:51
И вообще пора отменять Трудовой кодекс. С быдлом надо по понятиям!
Каб пакінуць каментар, калі ласка, актывуйце JavaScript у наладах свайго браўзеру