Крочыць Беларусь, калі верыць афіцыйнай статыстыцы.
Крочыць Беларусь, калі верыць афіцыйнай статыстыцы.
Тэмп росту валавога ўнутранага прадукту (ВУП) у 2008 годзе склаў 110% да ўзроўню 2007 года, пры прагнозе на год 108—109%. Для параўнання: у 2007 годзе да ўзроўню 2006 года тэмп росту ВУП склаў 108,6%.
Удзельная вага ў ВУП дададзенага кошту прамысловасці склала 28,1%, сельскай гаспадаркі — 8,4%, будаўніцтва — 9,4%, транспарту і сувязі — 8%, гандлю і грамадскага харчавання — 10,6%.
Рост ВУП суправаджаўся зніжэннем яго энергаёмістасці. У студзені—лістападзе 2008 года яна паменшылася ў параўнанні з аналагічным перыядам 2007 года на 8,3% (прагноз на год — мінус 7—8%).
У прамысловасці ў 2008 годзе тэмп аб'ёму вытворчасці склаў 110,8% да ўзроўню 2007 года (прагноз на год — 108—109%).
У 2008 годзе прамысловымі прадпрыемствамі дзяржаўнай формы ўласнасці (рэспубліканскай і камунальнай), якія складаюць 32,9% агульнай колькасці прадпрыемстваў, выраблена 37,1% агульнага аб'ёму прамысловай прадукцыі, у той час як прадпрыемствамі прыватнай формы ўласнасці, якія маюць у статутным фондзе долю дзяржавы, — 49,8%.
Па выніках 2008 года забяспечана зніжэнне ўзроўню матэрыялаёмістасці прадукцыі ў прамысловасці ў супастаўных цэнах. У цэлым па прамысловасці зніжэнне ўзроўню матэрыялаёмістасці за студзень—лістапад склала 1,8%, што вышэй прагнознага параметра, устаноўленага на 2008 год (мінус 1,5%).
Адзінае, што не ўдалося выйсці на прагнозныя параметры па абмежаванні імпарту тавараў і паслуг (143,2% пры прагнозе на 2008 год 112,5—113,5%) і сальда замежнага гандлю таварамі і паслугамі. За год яно складзе пад 4 млрд долараў ЗША пры прагнозе на 2008 год — мінус 1.400—1.420 млн. долараў ЗША.
Цяпер чытаюць
Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»12
Каментары