59-гадовы амерыканец Эдзі Грэй памёр прыкладна праз дзесяць дзён пасля наведвання аквапарку Fantasy Lake ў Паўночнай Караліне. Вінаватай у яго смерці стала амёба Неглерыя Фоулеры (Naegleria fowleri), якой купальшчык, верагодна, заразіўся ў басейне. Пра гэта піша рэсурс «Папулярная механіка».
Амёба (на фота) мае кепскую рэпутацыю. Яе траплянне ў страўнікава-кішачны тракт чалавеку нічым не пагражае, а вось трапленне ў нос можа стаць фатальным. Амёба выкарыстоўвае нюхальны нерв для пранікнення ў галаўны мозг. Яна, вядома, не хоча чалавеку зла, але ёй таксама хочацца есці.
Трапленне амёбы ў мозг і іх наступнае размнажэнне там выклікае першасны амёбны менінгаэнцэфаліт. У распараджэнні медыкаў ёсць некалькі лекаў, здольных запаволіць працяг хваробы, але поўнае адужанне на сённяшні дзень нерэальнае. Вынікам хутчэй за ўсё будзе смерць.
Заразіцца паразітам можна падчас нырання, скачкоў з вялікай вышыні і рэзкіх апусканняў у ваду. Што з гэтага рабіў Эдзі Грэй невядома, але трэба ўлічваць, што амёба — цеплалюбны арганізм, які аддае перавагу вадзе, тэмпература якой знаходзіцца прыблізна на ўзроўні чалавечай. Апусканне ў такую можа быць небяспечна. Абаронай ад амёбы можа быць зацісканне ноздраў, якое прадухіляе траплянне вады ў нос.
