29.07.2019 / 10:44

На тры дні раней, чым летась: чалавецтва вычарпала гадавую норму рэсурсаў Зямлі 8

У 2019 годзе чалавецтва выдаткавала ўмоўны запас прыродных рэсурсаў, якія могуць аднавіцца за год, і ад 29 ліпеня жыве ў экалагічны крэдыт. Такія дадзеныя падаюць інфармагенцтвы са спасылкай на міжнародную арганізацыю «Глабальная сетка экалагічнага следу» (Global Footprint Network, GFN).

Каб вылічыць сярэдні паказнік экалагічнай запазычанасці для планеты, даследчыкі GFN вылічваюць аб'ёмы спажывання біярэсурсаў (вада, харчаваньне, драўніна і г.д.) і суадносяць іх са здольнасцю экасістэм аднаўляцца.

Для бягучага забеспячэння патрэбаў у прыродных рэсурсах чалавецтву патрабуецца ўжо 1,75 планеты Зямля, адзначаюць эколагі. У розных краінах спажыванне аднаўляльных рэсурсаў на душу насельніцтва істотна адрозніваецца. Калі б усе спажывалі іх, як жыхары Германіі, то чалавецтву спатрэбілася б ужо тры Зямлі, калі б як амерыканцы - пяць планет.

Найбольш нерацыянальнае спажыванне рэсурсаў адзначаецца ў Катары (краіна пачынае выдаткоўваць рэсурсы «ў крэдыт» ужо 11 лютага). Для параўнання: у Інданэзіі, якая найбольш эфектыўна выдаткоўвае рэсурсы, гэтая дата наступіць 18 снежня. Аднак і гэтая краіна спажывае больш, чым здольныя кампенсаваць экасістэмы.

У 2019 годзе дзень, калі сусветная эканоміка пачынае выдаткоўваць рэсурсы планеты «ў крэдыт» наступіў на тры дні раней, чым у 2018 годзе. «Дату экалагічнага доўгу» даследчыкі разлічваюць ад пачатку 1970-х: тады яна прыпадала на канец снежня, да 1990 года ссунуўся на сярэдзіну кастрычніка, а да пачатку 2000-х - на пачатак верасня.

NN.by

5
Геннадий / Адказаць
29.07.2019 / 11:27
После нас хоть потоп. Красиво жить не запретишь.
6
Libertarian / Адказаць
29.07.2019 / 11:43
Каноплі замест драўніны, поўная рэгенерацыя вады. Цалкам ўзнаўляльныя крыніцы энергіі. Кантроль над нараджальнасьцю. І праблемы адступяць.
25
Той самы / Адказаць
29.07.2019 / 12:24
Чарговая псэўданавуковая бздура. Не раз ужо ўздымалі алярм з нагоды таго, што "хутка вугаль скончыцца", "хутка запасы жалезнай руды скочацца", "хутка скароціцца вытворчасьць сельскагаспадарчай прадукцыі з-за скарачэньня плошчаў", "хутка запасы прэснай вады скончацца..." і падобная ахінея.

Вугаль не скончыўся... сталі зачыняць шахты і вугальныя разрэзы, а новыя радовішчы не распрацоўваць. 

Жалезная руда не скончылася, бо сталі больш перапрацоўваць металалом,  частку метала замяняць пластмасай. 

Прадукцыя сельскагаспадарчай вытворчасьці не скарачаецца, а наадварот... масы прыгодных для апрацоўкі зямель знаходзяцца ў некранутым стане ў Афрыцы, Паўдн.Амэрыцы, шмат дзе ў сельскай гаспадарцы яшчэ не ўжываюцца сучасныя тэхналёгіі, што тармозіць павелічэньне прадукцыі.

Запасы прэснай вады не скарачаюцца (як вядома вада знаходзіцца ў кругавароце), а патрабуецца проста выкарыстаньне адпаведных тэхналёгіяў ачысткі, але міжнародныя карпарацыі каб атрымаць большы прыбытак эканомяць на ачыстных збудаваньнях у Кітаі, Індыі, Інданэзіі і г.д.

Нафту няма куды дзяваць, усё больш сучасных мэтадаў яе здабычы, таму манапалісты штучна падтрымліваюць яе кошты...

На падыходзе здабыча на Месяцы ізатопа гелія-3, запасы яго дазволяць чалавецтву не выкарыстоўваць іншае паліва ... на працягу 5 000 гадоў. На год усяму чалавецтву хопіць гэтага ізатопу ў памерах усяго каля 190 тон. Гэта адна з прычынаў таго, што ЗША імкнуцца хутчэй стварыць пастаянную базу на Месяцы...



Так што давайце не будзем палохацца і палохаць іншых. Другая справа, што трэба займацца ачысткай, захаваньнем навакольнага асяродзьдзя, але падаецца што для некаторых гэта не так важна, бо не атрымаеш грошы для распіла пад  міфічнае "выратаваньне клімата"...

Давайце будзем прыслухоўвацца да тых навукоўцаў, якія робяць сваю справу, а не тых, якія бягуць да СМІ за рэклямай...

Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру