31.07.2019 / 16:52

Еўрапейскія астранаўты адмовяцца ад расійскіх «Саюзаў» 7

Італьянскі астранаўт Лука Пармітана можа стаць апошнім у найбліжэйшыя гады прадстаўніком Еўрапейскага касмічнага агенцтва, які адправіцца на Міжнародную касмічную станцыю на расійскім караблі «Саюз», паведамляе РИА Новости.

«Пакуль што планаванне такое, што на найбліжэйшыя гады ён апошні астранаўт ЕКА, які адправіўся на МКС з Байканура», — сказаў кіраўнік прадстаўніцтва Еўрапейскага касмічнага агенцтва (ЕКА) у Расіі Рэнэ Пішэль.

У ЗША распрацаваны новыя пілатуемыя караблі: Crew Dragon — кампаніяй SpaceX, Starliner — кампаніяй Boeing.

У сакавіку Crew Dragon здзейсніў першы выпрабавальны беспілотны палёт на МКС. Запуск першага Crew Dragon з экіпажам на станцыю плануецца на 17 снежня. У склад экіпажа ўваходзяць астранаўты НАСА Роберт Бенкен і Дуглас Хэрлі.

Выпрабавальны запуск да МКС першага Starliner без экіпажа запланаваны на 17 верасня. Першы карабель з экіпажам плануецца запусціць на станцыю ў выпрабавальным рэжыме 30 лістапада. У склад экіпажа ўваходзяць астранаўты НАСА Майкл Фінк і Ніколь Аўнапу Ман, а таксама астранаўт Boeing Крыстафер Фергюсан.

NN.by

1
Don / Адказаць
31.07.2019 / 17:47
Сrew Dragon- это белорусский дракон... Кревы - это белоруссы по-латышскому)))
20
Палкоўнік Зэман / Адказаць
31.07.2019 / 18:18
I будуць лётаць на мяцёлцы?
1
Ёпрст / Адказаць
31.07.2019 / 21:47
Палкоўнік, тое, што саўковы космас накрываецца медным тазам, профі у МОМе (ракетнае міністэрства СССР) было яскрава зразумела у канцы 80-х і пачатку 90-х. У такіх выпадках тэрмін адкідвання капыт у параўнанні з чалавечым тэрмінам даволі вялікі, але доктар Хістары сказала у морг, значыць у морг, што мы зараз і бачым.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру