Многія знакамітасці сталі аб'ектамі крытыкі, калі яны адправіліся на канферэнцыю па змяненні клімату Google Camp у Італіі на суперкарах, дарагіх яхтах і больш чым 100 прыватных самалётах, піша Daily Mail.
Госці, сярод якіх Арланда Блум, Кэці Пэры, Барак Абама, прынц Гары і многія іншыя селебрыці класа А, былі абвінавачаныя ў крывадушнасці пасля таго, як яны сабраліся на гэтым тыдні, каб абмеркаваць навакольнае асяроддзе, пакінуўшы пры гэтым значны вугляродны след.
У Палерма павінны былі прызямліцца каля 114 самалётаў, некаторыя прывезлі свае супер-яхты на трохдзённую канферэнцыю.
Вядучы Бі-бі-сі Эндру Ніл быў сярод тых, хто адзначыў іранічнасць сітуацыі: «Мноства знакамітасцей і багатых людзей прыбылі на Сіцылію для канферэнцыі Google. Яны прыбылі на 114 прыватных самалётах і флатыліі супер-яхт. Канферэнцыю пра глабальнае пацяпленне».
Мерапрыемства Google Camp, створанае сузаснавальнікамі Google Лары Пэйджам і Сяргеем Брынам, — гэта сакрэтны лагер, дзе сацыяльныя сеткі забароненыя. Глабальнае пацяпленне было тэмай сёлетняга Google Camp.
