Дысфункцыя гена TP53, які адказвае за спыненне росту і дзяленне клеткі пры яе пашкоджанні ці стрэсе, з'яўляецца галоўнай прычынай узнікнення анкалагічных захворванняў. Пра гэта пішуць РІА Навіны са спасылкай на вынікі даследавання, апублікаванага на партале EurekAlert!.
Навукоўцы Медыцынскага каледжа Бэйлара ў ЗША вывучылі 10225 узораў тканак, якія прадстаўляюць 32 тыпы ракавых пухлін, і параўналі іх ДНК з 80 тысячамі розных мутацый, звесткі пра якія былі сабраныя на працягу трох дзесяцігоддзяў даследаванняў. Высветлілася, што ў пацыентаў з нізкай выжывальнасцю часта назіраліся мутацыі ў гене.
Акрамя ролі TP53 ва ўзнікненні раку даследчыкі выявілі яшчэ чатыры гены, якія ўплываюць на выжывальнасць пацыента.
Акрамя таго, аналіз паказаў, што ў 91% вывучаных выпадкаў захворвання на рак назіраліся дэфекты ў абедзвюх копіях гена TP53, якія часцей за ўсё ўзнікалі з-за дуплікацыі першай дэфектнай копіі.
Аўтары даследавання падкрэсліваюць, што, дзякуючы маштабу выбаркі прааналізаваных звестак, даследаванне можа стаць ключом да распрацоўкі новых метадаў лячэння анкалогіі.
