20-гадовая Валянціна Шамко з Мінска перамагла ў конкурсе «Я Валошка» ад стваральнікаў валошкавага пламбіру «Белы полюс». Уладальніца васільковых вачэй пераканала журы, што найдзвычай любіць кветкі і марозіва. Арганізатары не паскупіліся: падарылі дзяўчыне 250-метровае поле з васількамі і жытам у Цэнтральным батанічным садзе, а ў дадатак — запас пламбіру «Валошка» на цэлае лета.
Фота Лізаветы Гаравой.
Трэці месяц гаспадыня васільковых плантацый прыходзіць у мінскі батанічны сад па безлімітным абанеменце, перыядычна палівае расліны на сваім полі. Цяпер, калі кветкі і жыта ўзышлі, уладальніца незвычайнага прыза дзеліцца фатаграфіямі сталічнага поля і запрашае ўсіх ахвотных у батанічны сад, каб пабачыць яго ўжывую. 250 квадратных метраў калосся з валошкамі ў цэнтры сталіцы — пейзаж нетыповы.
Фота Лізаветы Гаравой.
Поле не толькі выконвае эстэтычную функцыю, але і мае сімвалічны сэнс. Па словах ініцыятара праекта — брэнда «Белы полюс», — прыблізна столькі валошак і жыта трэба для вырабу марозіва, аб'ёму якога хопіць, каб накарміць кветкавым марозівам усіх наведвальнікаў батанічнага саду на працягу дня.
Фота Лізаветы Гаравой.
