03.08.2019 / 11:23

Фатографу ўдалося зняць удар маланкі ў вяршыню вулкана ФОТАФАКТ 1

Унікальнае фота, якое злавіла момант, калі магутная маланка б'е ў вяршыню вулкана, удалося зрабіць фатографу з Гватэмалы Серхіа Монтафару. Ён зняў момант, калі электрычны разрад ударыў у дзве антэны сувязі, устаноўленыя на самай вяршыні вулкана Агуа (вышыня 3761 метр) у Гватэмале, піша ТАСС.

Каментуючы гэтую фатаграфію, эксперты NASA адзначылі, што ў аблоках пры перамяшчэнні паветраных мас з ніжніх слаёў у верхнія адбываецца ўзаемадзеянне тых слаёў, дзе часцінкі вады ператварыліся ў сняжынкі, з тымі, дзе яны сталі дробнымі ільдзінкамі. Пры гэтым адбываецца павольны працэс назапашвання электрычных зарадаў у верхняй і ніжняй частках воблака і ў выніку з-за рознасці электрычных патэнцыялаў узнікае магутны разрад — маланка. Гэты электрычны разрад распаўсюджваецца зігзагам, імгненна награваючы невялікія ўчасткі паветра да тэмпературы, што ўтрая перавышае тэмпературу на Сонцы. Ударная хваля, якая ўзнікла ў выніку разраду, распаўсюджваецца спачатку са звышгукавой хуткасцю, а затым запавольваецца і ў гэты момант раздаецца выбух грому.

У сярэднім, паводле ацэнак NASA, ва ўсім свеце штохвілінна ўзнікае каля 6 тысяч магутных маланак.

NN.by

2
Жвір / Адказаць
03.08.2019 / 15:32
Učora naziraū amaļ padobnaje. Apynulisia amaļ u centry cyklionu. Adna z malanak daūbanula ū skalu na nievialikaj kamianistaj vyspie. Adliehlasc` byla mili 3 z palovaj. Uražvajučaje vidovišča...
Каб пакінуць каментар, калі ласка, актывуйце JavaScript у наладах свайго браўзеру