Кіраўнік украінскай прапрэзідэнцкай партыі «Слуга народа» Дзмітрый Разумкоў заявіў, што партыя будзе прапаноўваць яго ў якасці кандыдата на пасаду спікера Вярхоўнай рады, паведамляюць інфармагенцтвы.
Таксама ён дадаў, што на пасаду першага віцэ-спікера Рады партыя будзе прапаноўваць прадстаўніка прэзідэнта ў парламенце Руслана Стэфанчука.
Пазачарговыя парламенцкія выбары прайшлі ва Украіне 21 ліпеня. Пасля апрацоўкі 100% пратаколаў партыя прэзідэнта Уладзіміра Зяленскага «Слуга народа» набрала 43,16%, на другім месцы «Апазіцыйная платформа - за жыццё» Юрыя Бойкі з 13,05%. Трэцяе месца заняла партыя экс-прэм'ера Юліі Цімашэнкі «Бацькаўшчына» з 8,18%, далей ідзе партыя былога прэзідэнта Пятра Парашэнкі «Еўрапейская салідарнасць», у яе 8,10%. Замыкае пяцёрку партыя музыкі Святаслава Вакарчука «Голас» з 5,82%.
Афіцыйныя вынікі выбараў павінны быць апублікаваныя ЦВК да 5 жніўня.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары