04.08.2019 / 20:56

Ярмошына прапануе правесці прэзідэнцкія выбары ў дзень нараджэння Лукашэнкі 25

Старшыня Цэнтрвыбаркама Лідзія Ярмошына ў праграме «Контуры» на тэлеканале АНТ назвала магчымую дату выбараў прэзідэнта Беларусі — 30 жніўня 2020 года, паведамляе БЕЛТА.

Лідзія Ярмошына.

Кажучы пра аптымальны час правядзення выбараў кіраўніка дзяржавы, старшыня ЦВК адзначыла, што гэта ранняя вясна.

«Але ў нас толькі пройдуць выбары ў лістападзе, а ў снежні мы толькі сфарміруем парламент, — канстатавала яна. — Таму праз тры месяцы — гэта значыць трэба адразу прызначаць прэзідэнцкія выбары. А для чаго мы тады пераносілі гэтыя?»

«Думаю, што прэзідэнцкая кампанія хутчэй за ўсё пройдзе ў той тэрмін, які вызначаны Канстытуцыяй. Апошняя магчымая нядзеля — 30 жніўня 2020 года. Думаю, што гэта з вялікай верагоднасцю і ёсць дата выбараў прэзідэнта Рэспублікі Беларусь», — сказала Лідзія Ярмошына.

Паводле яе слоў, з аднаго боку яшчэ будзе лета, але з іншага — 30 жніўня — гэта час, калі большасць беларусаў вяртаюцца з адпачынкаў, па меншай меры людзі, у якіх ёсць дзеці, з'язджаюцца студэнты. Таму ў асноўным насельніцтва ў большай частцы будзе знаходзіцца ў месцы сваёй рэгістрацыі.

«Але гэта пакуль толькі здагадка», — заўважыла старшыня Цэнтрвыбаркама.

Як паведамлялася, у 2019 годзе ў Беларусі адбудуцца выбары ў Палату прадстаўнікоў і Савет Рэспублікі. Прэзідэнцкія выбары ў Беларусі пройдуць у 2020 годзе. Чакаецца, што выбары ў Савет Рэспублікі адбудуцца 7 лістапада, у Палату прадстаўнікоў — 17 лістапада.

NN.by

1
Казік / Адказаць
04.08.2019 / 21:10
Вырашыла ілігантны падарунак падагнаць
0
Чебаркуль / Адказаць
04.08.2019 / 21:13
"выборы" - это уже чей-то семейный приватный праздник? Дожились...
0
Аnita / Адказаць
04.08.2019 / 21:15
Хитрая,на подарке решила съэкономить.
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру