З’явілася новая насценная палітычная карта свету па-беларуску. І Крым там на месцы
Палітычную карту свету па замове «Белкартаграфіі» распрацаваў сацыяльна-візуальны дызайнер Саша Чабатароў.
Дызайнер Саша Чабатароў распавёў «Нашай Ніве», што да яго звярнулася Валянціна Андрэева са студыі imago.by і прапанавала распрацаваць беларускамоўную карту.
Усе геаграфічныя назвы рэдактавалі і перакладалі ў Белкартаграфіі. Задача ж Чабатарова была распрацаваць дызайн.
«Я распрацаваў канцэпт-дызайн, які перасякаецца з іншымі маімі праектамі. Ідэя заключаецца ў тым, што для свету не павінны быць важнымі межы і адрозненні. Усе павінны аб'ядноўвацца, сябраваць дзеля планеты і міру (захоўваючы свае нацыянальныя асаблівасці). Блакітны колер — гэта колер нашай валошкі, колер які бачаць усе людзі, колер планеты, колер нейтралітэту, колер міру і колер гэтага стагоддзя», — расказвае Саша Чабатароў.
Насценную палітычную карту можна будзе набыць у кнігарнях.
Каментары