У «Мінсктрансе» хабарны скандал: у кабінеце знайшлі аблігацыі на $500 тысяч і $30 тысяч гатоўкай
Некалькі службовых асоб дзяржаўнага прадпрыемства «Мінсктранс» падазраюцца ў атрыманні хабараў, паведамілі БелТА ў прэс-службе Дэпартамента фінансавых расследаванняў КДК па Мінскай вобласці і Мінску.
«Службовыя асобы былі ўзятыя з доказамі злачынства - пры атрыманні хабараў за лабіраванне інтарэсаў камерцыйных структур пры правядзенні закупак запчастак, гаруча-змазачных матэрыялаў. Прычым у кабінеце ў аднаго з іх выяўлены банкаўскія аблігацыі на суму $500 тыс. на прад'яўніка (абязлічаныя) і яшчэ $30 тыс. наяўнымі ў банкаўскіх упакоўках», — распавялі ў ДФР КДК па Мінскай вобласці і Мінску.
Ёсць інфармацыя, што гэта не першы факт атрымання службовымі асобамі «Мінсктрансу» грашовых сродкаў ад кіраўнікоў камерцыйных структур за спрыяльнае вырашэнне пытанняў аб пастаўках на адрас аўтобусных і тралейбусных паркаў сталіцы.
Распачатыя крымінальныя справы, колькасць фігурантаў не разгалошваецца.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары