Грамадства1717

Суўладальнік «П’янай вішні»: Беларусь падтрымлівае Расію, таму мы не хочам весці тут бізнэс

Адзін з уласнікаў украінскай сеткі бараў «П’яная вішня» Андрэй Худо расказаў «НН», чаму яго бізнэс адмаўляецца прыходзіць у Беларусь і што ён думае пра адкрыццё ў Мінску ўстановы з ідэнтычнай назвай і канцэпцыяй.

Андрэй Худо. Фота facebook.com.

«У свой час мы прынялі стратэгічнае рашэнне не развіваць свой бізнэс у Беларусі. Чаму? Няма ніякіх гарантыяў для бізнэсу, які прыходзіць з Украіны. Гэта тычыцца не толькі Беларусі, але і Расіі, — кажа Андрэй Худо. — Каштоўнасці цывілізаванага свету аднолькавыя, як у гарантыях для бізнэсу, гэтак і ў палітычным кантэксце, гэтак і ў чалавечым. Менавіта таму еўрапейскія каштоўнасці нам бліжэйшыя. На жаль, цяпер Беларусь разварочваецца ў іншы бок. Тое самае і Расія, яе дзеянні сёння выходзяць за рамкі цывілізацыйных каштоўнасцяў.

Відавочна, што пазіцыя Беларусі адносна дзеянняў Расіі, яе лідараў, была адным з найважнейшых аргументаў пры прыняцці рашэнняў. Тэст «Чый Крым?» хутка здымае ўсе пытанні. І Беларусь тут не дае правільнага адказу.

Мы верым, што наш суседні народ прыме правільнае рашэнне ў выбары свайго цывілізацыйнага курсу і атрымае права на свабодную краіну. Менавіта тады мы будзем аднымі з першых, хто пачне развіваць сумесныя праекты.

Правы на інтэлектуальную ўласнасць — адна з такіх цывілізацыйных каштоўнасцяў. Стварэнне ідэй, канцэпцый, прадуктаў, брэндынг — гэта цяжкая праца, і яе вынікі абаронены ва ўсім цывілізаваным свеце. І калі хтосьці капіюе гэта, гэта відавочны крадзеж.

Вось што мы хочам данесці да ўладальнікаў бара, які з'яўляецца копіяй нашай «П'янай вішні». Гэта крадзеж, і вы злодзеі. І красці не добра, і па беларускім законе таксама амаральна і непрыстойна.

У нашай школе мы вучым дзяцей, што спісваць — гэта дрэнна, і не таму, што вы падманваеце, а таму, што кожны мае свае аўтарскія правы, і гэта будзе крадзеж. Вашым дзецям гэта быў бы таксама добры прыклад, і мы шчыра зычым гэтага.

Рэстаранны бізнэс пабудаваны на эмоцыях і гасціннасці і ніколі не можа быць скрадзены. Таму што людзі гэта адчуюць. Як гэта заўважна ў Крыме. Усе цывілізаваныя людзі ведаюць, што яго скралі.

Яшчэ адно кароткае паведамленне для ўладальнікаў мінскага бара: стварыце новыя сэнсы! Вам не трэба рабіць булачкі з катлетамі і называць гэта «Макдональдс», вам не трэба капіяваць фармат і называць яго цалкам сугучна львоўскай «П'янай вішні». Гэта не крэатыўна… Зразумейце, большасць паведамленняў мы атрымалі ад саміх беларусаў, бо яны былі ў Львове і нас ведаюць. Яны ведаюць брэнд, свет стаў бліжэйшым.

І з юрыдычнага пункту гледжання ў нас ёсць запатэнтаваная міжнародная гандлёвая марка EUIPO (Еўрапейскі саюз інтэлектуальнай уласнасці). Усім міру і канструктыву, а назву бара ў Мінску трэба мяняць. Жыве Беларусь!» — адказаў Андрэй Худо на пытанні «НН».

***

Бар «П'яная вішня» пачаў працаваць на вуліцы Зыбіцкай у Мінску на гэтым тыдні. Адзіны пункт меню — вішнёвая настойка. Многія ўбачылі ў гэтым падабенства з львоўскай «П'янай вішняй». Адзін з заснавальнікаў мінскага бара Сяргей Клянцоў сцвярджае, што ніякага плагіяту тут няма, а вішнёўка падаецца па ўласным рэцэпце. Беларусы звярталіся ва Украіну, каб набыць франшызу, але ім у гэтым адмовілі.

Каментары17

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі15

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Усе навіны →
Усе навіны

Ходзіць легенда, што Озі Осбарн адкусіў галаву жывому кажану. А што ж адбылося насамрэч?2

Хто такі Джэйсан Дэрула, якога прэм’ер Турчын вадзіў па Доме ўрада8

Олівер з ЗША вывучыў беларускую мову, бо даведаўся, што яго продкі з Магілёва57

«Выйшаў з бальніцы з дзвюма адкрытымі ранамі». Беларусу ў Польшчы зрабілі аперацыю, а праз два дні выпісалі12

Адмін беларускай Вікіпедыі: Давайце спынім пісаць пра бяздарнасцяў толькі таму, што яны беларусы або эмігранты50

Расія ўдарыла па некалькіх абласных цэнтрах Украіны

«Дурная выдумка». Макрон падаў у суд на жанчыну, якая назвала яго жонку мужчынам

На Брэстчыне зноў шукаюць магчымасці пазбавіць прыгажэнны помнік ахоўнага статусу. Загад паступіў зверху4

Цела загінулага матацыкліста два дні ляжала на ўзбочыне, бо паліцыі Польшчы і Літвы не змаглі дамовіцца паміж сабой7

больш чытаных навін
больш лайканых навін

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі15

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Галоўнае
Усе навіны →

Заўвага:

 

 

 

 

Закрыць Паведаміць