Следства па справе аб выбуху ў Мінску 4 ліпеня 2008 г. шукае чалавека, які мог нанесці аўтаручкай надпіс «5700» на двухлітровым пакеце апельсінавага соку «Садочак», дзе была замаскаваная выбуховая прылада b якая не спрацавала.
Пра гэта паведамілі ў аддзеле інфармацыі і грамадскіх сувязей ГУУС Мінгарвыканкама.
Нагадаем, выбуховая прылада была знойдзена 3 ліпеня. Надпіс быў нанесена на пярэднюю паверхню пакета шарыкавай ручкай з пастай сіняга або чорнага колеру.
Міліцыя просіць адгукнуцца грамадзян, якія маглі б
апазнаць гэты надпіс або свой почырк на пакеце ад соку. Таксама просіць звярнуцца тых, хто з лютага па ліпень 2008 года набываў апельсінавы сок «Садочак» (ёмістасцю два літры) коштам менавіта 5.700 рублёў:следства цікавіцца часам і месцам набыцця названага соку за гэтую цану. Канфідэнцыяльнасць і ўзнагароджанне гарантуюцца.
Кантактныя тэлефоны: 102; 227‑02‑21; 227‑44‑19; 8‑029‑356‑02‑02 (velcom); 8‑029‑616‑20‑85 (velcom); 8‑029‑133‑95‑35 (velcom).
Паведамленне таксама можна пакінуць на інтэрнет‑сайтах ГУУС Мінгарвыканкама (http://www.guvd.gov.by/) або Міністэрства ўнутраных спраў (http://www.mvd.gov.by/).
0
0
0
0
0
0
