10.08.2019 / 00:13

Навукоўцы: Мышы дапамогуць чалавецтву змагацца з фэйкамі 2

Амерыканскія навукоўцы высветлілі, што мышы здольныя эфектыўна адрозніваць натуральны голас ад створанага з дапамогай штучнага інтэлекту, паведамляе The Wall Street Journal. Такое адкрыццё можа дапамагчы ў барацьбе з «глыбокімі фэйкамі», калі змяненне гуку на арыгінальных відэазапісах можа справакаваць скандал або ўзброены канфлікт.

Прыклад «глыбокага фэйка». Барак Абама — несапраўдны.

Даследаванне паказала, што жывёлы здольныя адрозніваць элементы натуральнага маўлення. Такія вынікі могуць паўплываць на тое, як тэхналагічныя кампаніі будуць выбудоўваюць сістэмы для распазнання апрацаваных на камп'ютары галасоў, створаных сістэмамі штучнага інтэлекту.

Ва ўсім свеце занепакоеныя ростам колькасці deep fake (глыбокіх фэйкаў), калі адбіраюцца сотні фатаграфій і галасавых запісаў, а штучны інтэлект іх змяняе. Гэта робіцца для таго, каб прыпісаць людзям словы, якіх яны не казалі, або дзеянні, якіх не здзяйснялі. Асцярогі выкліканыя тым, што гэтыя тэхналогіі могуць выкарыстоўвацца для ўплыву на выбары, здзяйснення кібератак на кампаніі, калі махляр выдае сябе за кіраўнікоў вышэйшага звяна, або на прыватных асоб.

Прылады, якія ствараюць фэйкі, могуць падмануць чалавечае вуха гукамі, якія нагадваюць тыя, якія ўтварае чалавек, хоць яны створаны іншым спосабам. Такія фэйкі могуць прыводзіць да катастрофы: дэстабілізаваць глабальныя фінансавыя рынкі або справакаваць грамадзянскі або ваенны канфлікт.

Для распрацоўкі больш бытавога алгарытму выяўлення «глыбокага фэйка» неабходна прыцягнуць фанетыку і нейрабіялогію, якія паказваюць, як павінен гучаць гук і як яго аналізуе і апрацоўвае мозг чалавека.

Падчас доследаў даследчыкі трэніравалі мышэй адрозніваць фанемы, напрыклад, гукі, якія асацыююцца з літарамі P, B і T. Даказана, што фанемы, якіх у англійскай мове больш за 40, з'яўляюцца адным з самых цяжкіх аспектаў для сімуляцыі, таму раннія версіі «глыбокіх фэйкаў» часта гучалі ненатуральна. Сістэма слыху мышэй падобная на слых людзей сваёй здольнасцю пазнаваць складаныя камбінацыі гукаў, і, па здагадцы навукоўцаў, гэта можна выкарыстоўваць для вызначэння сінтэзаванага голаса.

У ходзе эксперыменту мышэй трэніравалі бегчы ў адно ці іншае месца ў залежнасці ад пачутага гуку і ўзнагароджвалі, калі яны прымалі правільнае рашэнне. З часам жывёлы навучыліся адрозніваць чалавечы і камп'ютарны голас у 75% выпадкаў.

NN.by

24
Serg / Адказаць
10.08.2019 / 10:47
Как же неприятен этот афроамериканец президент.
2
0.5 / Адказаць
10.08.2019 / 18:00
Если бы мыши были избирателями в нашей стране, то они никогда не выбрали бы А.Г. Лукашенко. Догадайтесь. почему. Даю на это три раза. Подсказка во главе статьи. Но ихбиратели люди. А люди, глупее мышей.
Каб пакінуць каментар, калі ласка, актывуйце JavaScript у наладах свайго браўзеру