12.08.2019 / 23:06

Грамадская палата Саюзнай дзяржавы заклікала беларускія ўлады падтрымаць «Вечерний Могилёв» 11

Група членаў Грамадскай палаты Саюзнай дзяржавы Беларусі і Расіі выступіла ў падтрымку скандальнай газеты «Вечерний Могилёв», якая адзначылася шматлікімі выпадамі ў бок ЛГБТ.

Свой зварот яны апублікавалі ў № 63 газеты за 9 жніўня.

— Сябры Грамадскай палаты з трывогай і занепакоенасцю назіраюць за развіццём падзей вакол судовага пераследу газеты «Вечерний Могилёв», — адзначаецца ў звароце.

Па словах прадстаўнікоў Грамадскай палаты, у іх складваецца ўражанне, што з дапамогай Ленінскага РАУС Магілёва, Міністэрства інфармацыі і іншых дзяржорганаў Беларусі «адбываецца неасцярожная падмена паняццяў і скажэнне сэнсаў».

— Адбываецца напампоўванне іміджу прадстаўнікоў ЛГБТ супольнасці, як асаблівых прадстаўнікоў прывілеяванай супольнасці, пачуццё непрымання да якіх з'яўляецца апрыёры неправамерным. Пры гэтым ніяк не згадваюцца ні нашы народныя традыцыі, ні рэлігійныя забароны (ва ўсіх без выключэння рэлігіях), ні асноватворнае права кожнага чалавека (у тым ліку журналіста) на адстойванне свайго меркавання, хай і адмоўнага, на тую ці іншую падзею ў грамадстве. Такім чынам, у людзей, асабліва маладых, складваецца ўражанне не толькі аб натуральнасці аднаполых адносін, прызнанні на дзяржаўным узроўні палавых вычварэнняў, але і маральнасці тых, хто прапагандуе гэта, не саромеючыся, выносіць у інфармацыйнае поле, — адзначаецца ў звароце.

Зварот падпісаны Андрэем Леанідавічам Лапацкім — «ад імя і па даручэнні сябраў Грамадскай палаты Саюзнай дзяржавы».

«Грамадская палата Саюзнай дзяржавы Беларусі і Расіі» была ўтвораная ў 2017 годзе, увайшлі ў палату вядомыя ў Беларусі і Расіі асобы: рэлігійныя дзеячы, палітыкі, спартсмены, касманаўты. Усяго больш за 200 чалавек. Офіс арганізацыі знаходзіцца ў Маскве.

Сябрамі палаты таксама з’яўляюцца атлет Фомачкін, які пранёс расійскі сцяг на адкрыцці Паралімпіяды ў Рыа, Андрэй Герашчанка, якога звольнілі ў Віцебску з працы за адмаўленне незалежнасці Беларусі, паэт-славянафіл Анатоль Аўруцін, вядомы сваімі імперскімі поглядамі Сяргей Бабурын, акцёр Уладзімір Гасцюхін, дачка Пятра Машэрава Наталля, касманаўты Клімук і Навіцкі, святар Усевалад Чаплін і многія іншыя.

NN.by

2
вусцішны троль / Адказаць
12.08.2019 / 23:25
Дык вось адкуль ногі растуць. А калі капнуць глыбей - мо ўсплыве, што ВМ фінансуецца крамлёўскімі фондамі
3
Daban / Адказаць
13.08.2019 / 00:11
Маскоўскія гамафобы навязваюць думку, што ў рускіх і беларусаў - аднолькавая спадчына, каштоўнасці і традыцыі. Поўная лухта. Нашыя каштоўнасці, традыцыя і спадчына - ад Літоўскага Статута, дзе роўнасцяў і годнасці для ўсіх градзян - не параўнаць з маскоўскім Дамастроем.
0
Па-коласаўску мудры / Адказаць
13.08.2019 / 03:03
Атлет Фомачкін, Андрэй Герашчанка, Анатоль Аўруцін, Сяргей Бабурын, Уладзімір Гасцюхін, дачка Пятра Машэрава Наталля, святар Усевалад Чаплін... Гэты паноптыкум гаворыць сам за сябе. Nomina sunt odiosa.

Але не жуйце гэта:
"газета... якая адзначылася шматлікімі выпадамі ў бок ЛГБТ"
на кожным кроку.

Бо такім чынам рэакцыйная, праімперская, антыбеларуская газетка - так трэба пісаць - можа неспадзявана здабыць падтрымку.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру