13.08.2019 / 16:05

Партугалія выдала Беларусі прадпрымальніка з Гродна: ён не заплаціў падаткаў на $600 тысяч

Партугалія выдала Беларусі прадпрымальніка з Гродна, які не даплаціў у казну дзяржавы 1,2 млн рублёў, паведамляе Генеральная пракуратура.

Былы заснавальнік прыватнай кампаніі на працягу 7 гадоў закупляў і прадаваў розныя тавары за гатоўку, але здзелкі афармляў па падробленых бухгалтарскіх дакументах. У падатковыя справаздачы таксама траплялі ілжывыя звесткі.

У выніку ён не заплаціў падаткаў на 1,2 млн рублёў.

Калі ў дачыненні да прадпрымальніка распачалі крымінальную справу, ён ужо пражываў у Партугаліі. На працягу года вырашалася пытанне аб яго экстрадыцыі. Увесь гэты час ураджэнец Гродна знаходзіўся ў міжнародным вышуку. У чэрвені 2019 года Партугалія выдала ўцекача. Яго экстрадавалі ў Беларусь.

Цяпер мужчыне пагражае пакаранне да 7 гадоў пазбаўлення волі.

NN.by

Каб пакінуць каментар, калі ласка, актывуйце JavaScript у наладах свайго браўзеру