13.08.2019 / 16:44

Ананімная «беларуская школьніца» ў расійскім часопісе: У нас больш увагі надзяляецца польскай гісторыі, а не рускай 45

У расійскім часопісе «Огонёк» выйшаў матэрыял на тэму гісторыі Беларусі ў форме ананімнага інтэрв'ю з нядаўняй беларускай школьніцай, якая цяпер нібыта вучыцца ў Расіі — у Маскоўскім дзяржаўным універсітэце.

Журналістка часопіса расчаравана канстатуе, што Расія за ўсе дзесяцігоддзі найноўшай гісторыі так і не асвоіла прыёмы мірнай каланізацыі постсавецкай прасторы.

У той час як Захад, піша «Огонёк», валодае імі ў дасканаласці: дабрачынныя фонды, місіянерская дапамога, аблягчэнне візавага рэжыму і, нарэшце, ўкараненне ў свядомасць абывацеляў устойлівага разумення таго, што іх дзяржава спрадвеку мела больш цесныя сувязі з Захадам, чым з Расіяй.

Расійскі часопіс сцвярджае, што гэтую тэхналогію спачатку апрабавалі на Украіне, а зараз спрабуюць рэалізаваць яе ў Беларусі.

Былая школьніца адзначае, што польскую гісторыю ў Беларусі ведаюць больш дэталёва, чым расійскую.

«Доўгі час Беларусь была часткай польскіх земляў — непасрэдна або ў складзе ВКЛ…», — адзначае студэнтка МГУ.

Далей ананімная былая школьніца адзначае, што ў Беларусі не вывучаюць прадстаўнікоў літоўскіх дваранскіх і нават княжацкіх родаў, якія выбралі служэнне Маскве. А таксама няма паўнавартаснай гісторыі Кіеўскай Русі.

«Для таго, каму давялося вучыцца і па расійскіх, і па беларускіх падручніках гісторыі, розніца ў інтэрпрэтацыі гістарычных падзей і падборцы фактаў відавочная», — адзначае ананімная студэнтка МГУ.

Таксама былая школьніца дзеліцца з чытачамі і сваімі ведамі ў моўных пытаннях. Яна адзначае, што «беларуская мова утварылася як сумесь дзвюх іншых — польскай і рускай».

ММ

9
LitvinM / Адказаць
13.08.2019 / 16:51
Зразумела - пашла чарговая атака на гістарычную памяць беларусаў. Застаецца толькі здагадвацца, хто першасны замоўнік
8
Андрюха Горец (Беларусь Витебск ) / Адказаць
13.08.2019 / 17:00
А у нас все беларусы -давно знают эту анонимную *Школьницу * !   Это --некая мадам Анна в возрасте за 50 лет .. Она же госпожа *А* *из Австрии * !    та самая которая ругала Запад и хвалила *Счастливую жизнь * Беларусских Колхозников ! )))
6
Андрюха Горец (Беларусь Витебск ) / Адказаць
13.08.2019 / 17:02
Так что  дорогая наша *Анонимная Школьница* - ставлю тебе твёрдую Еденицу - за Конспирацию ! )))) А за Историю Беларуси - Двойка с минусом ! 
Паказаць усе каментары/ 45 /
Каб пакінуць каментар, калі ласка, актывуйце JavaScript у наладах свайго браўзеру