13.08.2019 / 18:50

На галоўных вуліцах Мінска з’явіліся новыя электронныя табло ФОТЫ 6

Электронныя табло новага ўзору заўважылі пасажыры на некаторых прыпынках у цэнтры горада. Карэспандэнт агенцтва «Мінск-Навіны» высвятляла, адкуль яны ўзяліся і куды падзеліся старыя.

— Новымі гэтыя табло можна назваць толькі ўмоўна, — растлумачыў першы намеснік генеральнага дырэктара — галоўны інжынер «Мінсктранса» Алег Дзюбенка. — Матрыцы ў іх новыя, астатнія камплектуючыя ўжо выкарыстоўваліся. Мы разабралі на асобныя сегменты два вялікія мультымедыйныя экраны, якія знаходзіліся падчас II Еўрапейскіх гульняў на хабах на Гарадскім Вале і ў студэнцкай вёсцы. У выніку вырабілі 25 электронных святлодыёдных табло з матрыцамі палепшанай якасці.

Фота Паўла Русака

Па словах Дзюбенкі, экраны новага пакалення, якія інфармуюць пасажыраў пра час, што застаўся да прыбыцця транспартнага сродку, ўсталёўваюцца ў асноўным уздоўж галоўных праспектаў замест тых, якімі ўпершыню абсталявалі сталічныя прыпынкі ў 2012 годзе. Яны сталі слабей свяціць і настаў час замяніць іх на больш якасныя.

Цяпер электроннымі табло абсталяваны 457 пунктаў прыпынку Мінска. Сёлета, паводле слоў спецыяліста, больш экранаў усталёўваць не плануецца.

19
ooo / Адказаць
13.08.2019 / 18:55
Молодежь сломает.
23
Матёрый / Адказаць
13.08.2019 / 19:07
Как всегда на русском языке?! Когда белорусы будут знать свой язык, историю. Всё написано по русски, все говорят по русски. Стыдно.
4
a.hto.tam.idze / Адказаць
13.08.2019 / 19:36
Матёрый, Шаноўны, калі "канцавы пункт" - гэта па-расейску, як тады будзе па-беларуску?
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру