13.08.2019 / 19:51

Пратэсты ў аэрапорце Ганконга: паліцыя ўжыла пярцовы газ

У аўторак вечарам, 13 жніўня, у міжнародным аэрапорце Ганконга адбыліся сутычкі паміж паліцыяй і пратэстоўцамі, паведамляе Reuters.

Фота: CNN.

Паліцэйскія ўжылі пярцовы аэразоль, каб стрымаць натоўп. Пратэстоўцы паспрабавалі заблакаваць некалькі паліцэйскіх машын.

Дзеянні паліцэйскіх і ўдзельнікаў акцыі пратэсту сур'ёзна парушылі працу аэрапорта.

Дэманстранты заблакавалі праходы ў зону абмежаванага доступу, не дазваляючы пасажырам прайсці пашпартны кантроль.

NN.by

Каб пакінуць каментар, калі ласка, актывуйце JavaScript у наладах свайго браўзеру