14.08.2019 / 10:10

У Оршы на пешахода наехалі двойчы

ДАІ Віцебска

Аварыя адбылася 13 жніўня каля 22:00 каля дома № 5 па вуліцы 60 год БССР, паведамляе ДАІ Віцебска.

41-гадовы аршанец на «Вольва 850» здзейсніў наезд на 46-гадовага мужчыну, які пераходзіў праезную частку па нерэгуляваным пешаходным пераходзе.

Праз секунды другі аўтамабіль «Сітраен С5», які кіраваў 22-гадовы мужчына, што рухаўся за «Volvo 850», не паспеў своечасова зрэагаваць і таксама наехаў на пешахода.

Праз некалькі метраў «Сітраен С5» сутыкнуўся з «Volvo 850». У выніку ДТЗ 45-гадовы пешаход атрымаў цялесныя пашкоджанні і быў шпіталізаваны. Праз 4 гадзіны, не прыходзячы ў прытомнасць, ён памёр.

Каб пакінуць каментар, калі ласка, актывуйце JavaScript у наладах свайго браўзеру