14.08.2019 / 10:45

Вучаніца аўташколы ў Іванаўскім раёне скрала аўтамабіль, каб адпрацаваць навыкі кіравання 1

Фота Брэсцкай міліцыі

У Іванаўскім раёне 19-гадовая дзяўчына скрала аўтамабіль аднавяскоўца, распачата крымінальная справа, паведаміла БЕЛТА афіцыйны прадстаўнік УУС Брэсцкага аблвыканкама Наталля Сахарчук.

У дзяжурную часць Іванаўскага РАУС звярнуўся жыхар вёскі Ляскавічы, які заявіў пра ўгон аўтамабіля «Аўдзі 100». Увечары ён пакінуў машыну ў двары, а раніцай пабачыў, што машына стаіць каля праезнай часткі.

Супрацоўнікі крымінальнага вышуку ўстанавілі, што скрала машыну 19-гадовая аднавяскоўка.

Каля двух гадзін ночы ўвагу дзяўчыны прыцягнуў легкавік, што стаяў у двары. Вырашыўшы адпрацаваць навыкі кіравання (навучаецца ў аўташколе Кобрына), з дапамогай шрубоўкі адкрыла дзверы, завяла рухавік і паехала катацца. Раніцай паспрабавала вярнуць аўтамабіль на месца, але нешта пайшло не так, і ёй давялося кінуць машыну ўздоўж дарогі.

Заведзена крымінальная справа па ч.1 арт.214 (выкраданне транспартнага сродку), дзяўчына затрыманая. Ва УУС дадалі, што аналагічны выпадак згону адбыўся ў гэтай вёсцы і ў пачатку мая.

1
не для комментария,а для редакции. / Адказаць
14.08.2019 / 12:56
Ума маловато.. Права выдавать нельзя. Такие и за рулём ведут себя безобразно. Из-за них потом люди гибнут. Штраф и компенсация морального вреда. И никаких прав . 
Каб пакінуць каментар, калі ласка, актывуйце JavaScript у наладах свайго браўзеру