Чацвёра 18-гадовых магілёўцаў прыйшлі ў краму па алкаголь абсалютна голыя. І сталі рабіць сэлфі ФОТА
Пра незвычайны выпадак піша СК.
Здарэнне адбылося ў ноч на 12 жніўня. Чацвёра 18-гадовых хлопцаў пілі. Калі спіртное скончылася, хлопцы сабраліся ў начную краму па дадатковы алкаголь. Прычым перад выхадам яны знялі штаны, пакінуўшы ў кватэры.
Па дарозе пашкодзілі люстэркі ў двух аўтамабілях, а таксама заміналі машынам, што праязджалі міма.
Потым яны знялі з сябе астатняе і голымі зайшлі ў краму. Прычым адзін з іх дэманстратыўна сеў на месца касіра, каб зрабіць фота для сацыяльнай сеткі. Усе дзеянні маладзёны здымалі на камеру мабільнага тэлефона.
Але па дарозе дахаты хлопцаў затрымала міліцыя.
Заведзена крымінальная справа па ч.2 арт.339 (злоснае хуліганства). Устаноўлена, што адзін з хлопцаў раней судзімы за рабаванне і незаконны абарот наркатычных сродкаў.
Каментары