Сёння раніцай у Маладзечне пасажырскі цягнік насмерць збіў 14-гадовага хлопчыка на чыгуначным пераходзе.
Трагедыя адбылася а 10-й гадзіне. Хлопчык пераязджаў чыгуначныя шляхі на ровары па пешаходным насціле. Ён прапусціў штадлер, але не заўважыў набліжэнне цягніка «Гродна — Мінск». Падлетак быў у слухаўках і трапіў пад цягнік, ад атрыманых траўмаў ён памёр на месцы.
Высветлілася, што так трагічна абарвалася жыццё 14-гадовага выхаванца дзіцяча-юнацкай школы «Маладзечна 2018» Андрэя Міцкевіча.
У першынстве Беларусі сярод юнакоў 2005 года нараджэння Андрэй выступаў за каманду з роднага горада. Пра падрабязнасці здарэння Hockey.by распавёў трэнер ДЮСШ «Маладзечна-2018» Аляксандр Граковіч.
«Дзіця ехала раніцай на трэніроўку, а 10 гадзіне ў іх быў сняданак. Пераязджаў на ровары ў слухаўках чыгуначны пераезд, трапіў пад цягнік. Незразумела, як усё гэта адбылося — там месца такое, што ў два бакі ўсё праглядаецца, людзі махалі, крычалі … Вялікае гора. Трэніроўкі вось толькі-толькі ў нас пачаліся, літаральна тыдзень працую з гэтай камандай. Андрэй — фізічна дужы, добры хлопец, выдатна гуляў у абароне. Ходзім цяпер усё, рукі трасуцца, не разумеем, як такое магло здарыцца» … — распавёў трэнер.
Вячэрні матч «Дынама» з «Брэстам», старт якога намечаны на 19:00, пачнецца з хвіліны маўчання.
Цяпер чытаюць
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары