14.08.2019 / 14:25

Названы лаўрэаты дзяржаўнай Нацыянальнай літаратурнай прэміі — сярод пераможцаў пісьменнік пад псеўданімам Алег Пушкін 4

У творчым спаборніцтве за дзяржаўную Нацыянальную літаратурную прэмію ўдзельнічалі больш за 70 чалавек, паведамляюць арганізатары. Пра сёлетніх лаўрэатаў прэміі піша БелТА. 

Конкурс праводзіцца па сямі намінацыях: «Найлепшы твор (зборнік твораў) паэзіі», «Найлепшы твор прозы», «Найлепшы твор драматургіі», «Найлепшы твор публіцыстыкі» і г.д.

  • Найлепшы твор для дзяцей і юнацтва — Уладзіміра Ягоўдзік (творы «Крылатыя суседзі», «Зачараваная Свіслач», «Кветкі дзівасілу»)
  • Найлепшы твор прозы — кніга «Геній» Алега Пушкіна (сапраўднае імя Алег Ждан).
  • Найлепшы зборнік паэзіі — кніга «Сланечнік» Міколы Маляўкі. 
  • Найлепшым творам публіцыстыкі — гістарычнае эсэ Віктара Хурсіка «Vale!» пра лёс Магдалены Радзівіл.
  • Найлепшы твор літаратурнай крытыкі і літаратуразнаўства —Святлана Калядка з «Літаратуразнаўчай тэорыяй паэтычнай эмоцыі.
  • Найлепшы дэбют — кніга «Сэрца Сакры» Станіславы Умец.
  • Найлепшы твор драматургіі — не прысуджалася.

Узнагароджванне пераможцаў конкурсу адбудзецца на Дні беларускага пісьменства ў Слоніме 1 верасня.

Прэмія пераможцам складзе 2550 рублёў, а ў намінацыі «Дэбют» — 1225 рублёў.

Дзяржаўная Нацыянальная літаратурная прэмія зацверджана ў 2015 годзе. Арганізатарамі з'яўляюцца міністэрствы інфармацыі, культуры, адукацыі і праўладны Саюз пісьменнікаў Беларусі.

0
Тарас-на-тэрасе / Адказаць
14.08.2019 / 16:50
Акадэмікі кшталту кавалені прысудзілі прэмію членам чагрынскага саюза пісьменьнікаў.  І гэты неАС Пушкін адзін з іх.
1
Лявон Баршчэўскі / Адказаць
14.08.2019 / 19:25
колішні радыкальны змагар за беларускасьць Іван Саверчанка (які, здаецца, узначальваў і журы гэтых прэміяў) на першым паседжаньні выказаў мару свайго жыцьця - каб гэтыя прэміі ўручаў той, ну, хто "вучыўся на вершах Васія Быкава".
Ня ведаю, ці захочуць такія прэміі атрымаць зь ягоных рук Уладзімір Ягоўдзік або Віктар Хурсік...
3
Гражданин России / Адказаць
15.08.2019 / 07:45
Отличительная черта белорусских литераторов: их не знают не только в стране и мире, но и в литературных кругах. 
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру