Ніякіх кантрольных у пятніцу і фізкультуры два дні запар — урад зацвердзіў пастанову для школ
У Беларусі зацверджаны санітарна-эпідэміялагічныя патрабаванні да ўтрымання і эксплуатацыі ўстаноў адукацыі, яны замацаваны ў пастанове ўрада ад 7 жніўня, паведамляе interfax.by.
Што да школ, то адным з момантаў, рэгламентаваны пастановай, з'яўляецца забарона другой змены ў I, II, V, IX—XI класах, а таксама ў VIII класах з вывучэннем асобных вучэбных прадметаў на павышаным узроўні.
Другая змена дапускаецца ў VI—VII класах пры ўмове забеспячэння аптымальнага рэжыму навучання. «Факультатыўныя заняткі на працягу навучальнага тыдня павінны праводзіцца ў дні з найменшай колькасцю вучэбных заняткаў», — гаворыцца ў пастанове.
Дакументам забараняецца правядзенне заняткаў па фізкультуры цягам двух дзён запар у адным класе і больш за адзін раз на тыдзень першымі або апошнімі навучальнымі заняткамі.
Навучальныя прадметы, якія патрабуюць вялікага разумовага напружання, засяроджанасці і ўвагі (матэматыка, руская, беларуская, замежная мовы), павінны вывучацца ў I—IV класах пераважна на другім і трэцім уроках.
У V—XI класах кожны з прадметаў, якія патрабуюць вялікага разумовага напружання, засяроджанасці і ўвагі (матэматыка, руская, беларуская, замежная мовы, фізіка, хімія), дапускаецца вывучаць на першым ці апошнім навучальным занятку не часцей за адзін раз у тыдзень у адным класе.
Згодна з пастановай, вучні I—IV класаў не павінны сядзець увесь год на адным месцы, двойчы (у верасні і студзені) іх павінны рассаджваць з улікам росту і рэкамендацый доктара.
У пастанове таксама замацавана, што кантрольныя работы (за выключэннем устаноў для дарослых), курсавыя работы, залікі і экзамены павінны праводзіцца ў адпаведнасці з графікам і не больш чым па адным вучэбным прадмеце ў дзень у адным класе/групе.
Забароненыя кантрольныя, залікі, абарона курсавых і г.д. у пятніцу і на апошніх гадзінах вучэбных заняткаў.
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары