19.08.2019 / 10:40

Самага папулярнага рэстараннага крытыка Беларусі з Koko.by чытаюць 270 тысяч чалавек. А ён ужо стаміўся есці! 9

Чаму ў «П’янай вішні» ёсць будучыня, а ў бара «Каліноўскі» — няма. Чаму koko.by не робіць агляды ў «Паедзем, паядзім», і чаму заснавальнік koko.by Павел Крамар да сёння хавае свой твар. Пра гэта — у нашай гутарцы.

«Мяне пазнаюць у твар толькі нешматлікія афіцыянты ва ўстановах, куды я заходжу рабіць чарговы агляд. Я лічу, што так і павінна быць. У тым жа інстаграме, дзе больш за ўсё падпісчыкаў (269 тысяч — «НН»), мяне няма ні на адным фотаздымку», — пачынае Павел Крамар.

Акрамя шалёнай папулярнасці, у працы аўтара аглядальніка koko.by, ёсць і пабочныя эфекты.

«Я стаміўся есці! Праз гэту працу вымушаны раз на тыдзень рабіць сабе разгрузачны дзень, 2-3 разы на тыдзень абавязкова кардыянагрузкі. Інакш нельга, бо ў Мінску апошнім часам проста бум на новыя ўстановы, план наведванняў у мяне распісаны на некалькі месяцаў наперад», — прызнаецца Павел.

«П’яная вішня» — хайп, але гэта спрацуе

НН: У «П’янай вішні» былі?

«Канечне. Я ўпэўнены, пасля апублікавання водгуку на нашым сайце, бліжэйшыя некалькі дзён там будзе не прабіцца.

Гэта так заўсёды працуе. Хаця я думаю, што аднымі добрымі ці дрэннымі водгукамі ўстанове не нашкодзіш і не дапаможаш. На нас калісьці нават у суд падавалі, абвінавачвалі ў тым, што мы вінаватыя ў зніжэнні прыбытку. Ну гэта смешна», — расказвае Павел.

Цяпер на сайце koko.by штодзень каля 10 тысяч праглядаў, і 150 тысяч праглядаў сторыс на старонцы ў інстаграме.

«Канечне, бывае, пасля нашых водгукаў ва ўстанову не прабіцца. Але каб гэта была не часовая з’ява, аднаго водгуку на koko.by недастаткова. Што сказаць пра «Вішню»? Канечне, каб у іх быў свой, не сплагіячаны фармат, было б значна цікавей. Па самім напоі пытанняў няма. Ён рэальна смачны. Ці будзе монабар мець папулярнасць? Цяжка спрагназаваць, ці застанецца бар у тым жа чыстым «монавыглядзе». Ужо абяцалі, што там з’явяцца закускі. Магчыма, з’явяцца настойкі з іншымі смакамі. Я думаю, што бар цалкам можа існаваць як бар аперытываў. Прыйшоў, 3-4 келіхі выпіў і пайшоў гуляць. Думаю, ён будзе працаваць. Так, хайпанулі. Але самае важнае, што прадукт, які прапаноўвае «П’яная вішня», добры. І цана зноў жа адэкватная. І тое, што за келіх трэба плаціць заклад 5 рублёў, я думаю, людзей не павінна бянтэжыць. На Актобер-фэсце ў Германіі заклад — 10 еўра, і ніхто не ўзбуджаецца. Адзінае, што пакуль у мінскай «П’янай вішні» заклад можна заплаціць толькі наяўнымі, а як быць тым, хто прыходзіць толькі з карткай?»— задаецца пытаннем Павел Крамар.

Павел Крамар прызнаецца, што выдаткоўвае на наведванне ўстаноў каля 2000 рублёў на месяц. Кажа, што гэтыя грошы зарабляе як на сваёй асноўнай працы, так і ад рэкламных артыкулаў на Коко.

«Агляды мы не робім платнымі. Гэта наша нязменнае рашэнне. Які сэнс у гэтым? Мы доўга фарміравалі адэкватную аўдыторыю, і згубіць яе давер проста не маем права. На Коко ёсць платныя артыкулы, гэта праўда, але яны не рэкламуюць установы, а даюць пэўную інфармацыю», — распавядае Павел.

Дадаць у кактэйль шышку — гэта не беларускі напой

Агляды Паўлу цяжка рабіць яшчэ і таму, што новыя ўстановы адкрываюцца ўсё часцей.

«Так адбываецца, што за ліпень-жнівень адкрылася нейкая неверагодная колькасць устаноў. У 2018 такога не было. Установы адкрываліся значна радзей, але яны былі больш якаснымі. Цяпер жа штампуюцца па прынцыпе: спрацуе — не спрацуе», — расказвае Павел.

З гэтай прычыны, прызнаецца Павел, агляды ён імкнецца пісаць на тыя ўстановы, у каго хаця б ёсць шанец праіснаваць больш, чым месяц.

Бару «Каліноўскі» Павел прагназуе хуткае закрыццё.

«У нядзелю я быў у «Каліноўскім», там было два чалавекі. Сам фармат прышпільны. Але калі вы ўжо робіце бар беларускай тэматыкі, дык хаця б беларускую мову выкарыстоўвайце. У меню няма беларускіх закусак. Ну, выбачайце, курыны паштэт — гэта крыху не тое. І дадаць у кактэйль шышку і назваць яго «Ліпень» — гэта не беларускі рэцэпт. І тут даваць рэкамендацыі, як можна палепшыць бар, бессэнсоўна. Асноўная праблема — гэта трэба рабіць на старце. Я магу прывесці 150 прыкладаў таго, як хацелі перарабіць канцэпт, змяніць палітыку ўстановы, і гэта не спрацоўвала.

Зноў жа, адкрыць беларускі бар на Зыбіцкай, куды прыходзяць тусавацца і распуснічаць — так сабе ідэя. Яго трэба было адкрываць у больш культурным месце. Гэты бар нічым не адрозніваецца ад канцэпту другіх бараў.

Ну «Каліноўскі», і што? Было расійскае піва «Якуб Колас», і дзе яно? Давайце будзем шчырымі, мы ходзім у бары не дзеля сценаў і канапаў, мы прыходім на прадукт, на атмасферу. А ў «Каліноўскім» нічога гэтага няма. Я не зразумеў, што гаспадары хацелі сказаць гэтым, проста назваўшы бар «Каліноўскі»», — распавядае Павел.

Таксама, расказвае Крамар, на сайце koko.by ніколі не з’явіцца агляд на рэстаран «Паедзем, паядзім».

«Я не быў там з асабістых матываў. Рэстарацыя на могілках — гэта няправільна. Але мне непрыемна, калі адбываецца цкаванне супрацоўнікаў гэтага рэстарана. Ну, магчыма, чалавек проста не можа знайсці іншую працу і яму патрэбныя грошы», — лічыць Павел Крамар.

Есці ў рэстаранах па «Халве» — гэта норма

На пытанне, ці ёсць жаданне ў Паўла Крамара адкрыць свой уласны бар ці рэстаран, каб ён быў узорным, на 10 кокобаеў (спецыяльная адзнака сайта koko.by установам са шкалой ад 1 да 10 кокобаеў), той адказвае адмоўна.

«Я для гэтага і ўсе водгукі пішу сам, бо мне цяжка кагосьці дэлегаваць на гэтую справу. А тут рэстаран! Каб ён быў ідэальным, усё ў ім трэба рабіць самастойна. Кухараў у Беларусі наогул прыстойных няма, хто быў, ужо даўно з’ехалі ў якую Польшчу. Ды і для каго адкрываць? У нас няма культуры хадзіць па рэстаранах», — сцвярджае Павел Крамар.

І абгрунтоўвае сваю думку:

«Беларусы хочуць атрымаць ад рэстаранаў абслугоўванне на найвышэйшым узроўні — якасць, смак, шык. І ўсё гэта хочуць атрымаць за невялікія грошы. Але ў беларусаў узровень даходаў дастаткова нізкі, у нас не ходзяць вячэраць у рэстараны, як гэта робяць у Еўропе, дзе танней заплаціць за гатовую страву, чым гатаваць яе дома.

Посмотреть эту публикацию в Instagram

Продолжаем хантить. Посетил модный, дорогой, популярный сифудный ресторан «Cornelius» на острове. Заведение входит в топ по Трипадвизор в Бергене с рейтингом в 4,5⭐️ [] На остров доставить может только катер-такси, если не ошибаюсь с человека по 400 крон туда и обратно, это около 40$. [+] 5 человек, 2 бутылки вина и еды из расчёта на каждого (заказывается заранее): ложка супа с гребешком, треска с пюре, кофе, один, десерт, мощная корзина морепродуктов без подачи на льду (Си Фуд Минск задумайтесь) с лобстерами, крабами и прочими животными из моря. За всё из казны ушло 9372 крон/1085$ из них 2000 крон морскому извозчику. Корнелиус - заведение с удивительным видом на бушующее море. Обслуживают его всего 3 человека вместе с шеф-поваром. Вчера в зале было 6 гостей и нас 5. Морепродукты были наисвежайшие, в этом вся магия. Рейтинг считаю завышенным, сервис доброжелательный, милый, харизматичный, но совсем не ресторанный. Всё приходится делать самому, еда обычная. Поверьте старику, Минск сильно недооценен, но ему есть куда стремитьсяВ этой морской истории решает локация. [+] Ламповый ресторан «Bryggeloftet & Stuene» в центре понравился больше, был дешевле и вкуснее. Домашняя норвежская кухня без баловства с отличным сервисом на #9кокобаев. Вспомнил здоровенный стейк трески под тёплым соусом из трав и сливочного масла с отварным картофелем, её же печень (не картошки), тар-тар из кита с ягодным соусом на сметане. Заплакал от счастья и обнял! Видел пару точек с шаурмой, степень риска? Как развлекаются в Норвегии? Пить слишком дорого. #kokoby #norway #foodhunter #9кокобаев

Публикация от КОКОБАЙ | ОХОТНИК ЗА ЕДОЙ (@koko_by)

Беларусам няма з чым параўноўваць, акрамя Украіны. Самыя распаўсюджаныя каментары: «Вось, а у Львове нам за 2 долары далі 2 кілаграмы рэбраў!» Ну дык едзь у Львоў і жыві там! Пры сярэднім заробку 500 даляраў, краб у Sea Food Bar каштуе 50 даляраў. А гэта 10% ад заробку! Шмат? Канечне, шмат. Але пасля водгуку на нашым сайце ў закладкі гэты краб быў дададзены 800 разоў. А мы сочым за статыстыкай, амаль заўсёды так працуе, што адна закладка роўная адной пакупцы. Што гэта значыць? Тое, што пэўны адсотак беларусаў можа сабе дазволіць таго краба, а яшчэ гэта значыць, што беларусы ходзяць у рэстараны ў крэдыт. Я не раз бачыў, як народ расплочваецца карткай «Халва». А што? П’еш ты сёння, а калі тыя грошы аддаваць? Можа, яшчэ спадчыну атрымаеш», — жартуе Павел Крамар.

Наталля Тур, фота Надзеі Бужан

1
вусцішны троль / Адказаць
19.08.2019 / 11:11
10 ННбаеў
4
Nokia / Адказаць
19.08.2019 / 11:33
А што там крытыкаваць ? Порцыі маленькія, а кошты вялікія.
13
Nokia / Адказаць
19.08.2019 / 11:45
Хутка ў Фэйсбуку патрыёты кінуць кліч ісці ды выпіваць ў бары Каліноўскі, каб толькі ён не зачыніўся))
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру