16.08.2019 / 15:27

Улады Грэнландыі адказалі на ідэю Трампа: Мы не прадаемся 8

ZME science

«Грэнландыя не прадаецца, але Грэнландыя гатовая да перамоваў аб супрацоўніцтве з іншымі краінамі, уключаючы ЗША», — паведамілі РБК у прэс-службе ўрада Грэнландыі ў адказ на просьбу пракаментаваць паведамленне выдання The Wall Street Journal, што прэзідэнт ЗША Дональд Трамп выявіў жаданне набыць востраў у Даніі.

Міністр замежных спраў Грэнландыі Ані Лонэ Багер заявіла ў інтэрв'ю агенцтву Reuters, што ўлады Грэнландыі не згодныя з такой пастаноўкай пытання.

Раскрытыкавала ідэю пакупкі і дэпутат мясцовага парламента Айя Хемніц Ларсен, якая прадстаўляе партыю, якая выступае за прадастаўленне Грэнландыі незалежнасці ад Даніі. Паводле яе слоў, «Грэнландыя не з'яўляецца таварам, і Данія не можа прадаць яе», паведамляе Грэнландскае выданне Sermitsiaq

Як адзначыла Ларсен, прыхільнікі незалежнасці ў будучыні разлічваюць больш арыентавацца на краіны Паўночнай Еўропы, а не на ЗША. Паводле яе слоў, у будучыні Грэнландыя разлічвае захаваць такія дасягненні як бясплатную адукацыю і медыцыну. «У мяне ёсць пэўныя асцярогі наконт таго, якое грамадства мы атрымаем, калі Грэнландыя стане амерыканскай», - дадала палітык.

Матэрыял у WSJ з'явіўся за тыдзень да запланаванага візіту Трампа ў Капенгаген. Выданне сцвярджала, што амерыканскі прэзідэнт абмяркоўваў куплю Грэнландыі са сваімі дарадцамі і адвакатамі. Пры гэтым WSJ паказвала, што ідэя Трамп не атрымала адзінагалоснай падтрымкі ў Белым доме.

Дацкія ўлады таксама негатыўна адрэагавалі на інфармацыю пра намер прэзідэнта ЗША Дональда Трампа набыць Грэнландыю. Пра гэта паведамляе дацкае выданне Jyllands Posten.

Так, прадстаўнік Дацкай народнай партыі па міжнародных пытаннях Серэну Есперсен заявіў, што падобныя планы, калі яны праўдзівыя, даказваюць, што прэзідэнт ЗША звар'яцеў. «Думка, што Данія можа прадаць 50 тыс. сваіх грамадзян ЗША, абсалютна вар'яцкая», — мяркуе Есперсен.

1
вусцішны троль / Адказаць
16.08.2019 / 15:40
Сярод лотаў ё адзін “астравок жэстачайшай стабільнасці” ))
5
Жвір / Адказаць
16.08.2019 / 15:47
:))) Tramp žartaūnik, blin, a jany ūschadzilisia ! :)
0
Палескі партызан / Адказаць
16.08.2019 / 15:56
Тое пачуццё, калі ў невялікай Даніі і паўночнай выспы годнасці болей, чым у 10-мільённай дзяржавы ў цэнтры Еўропы.Яны не прадаюцца самай буйной эканоміцы свету. Затое мясцовыя ўжо гатовыя да "паглыбленнай інтэграцыі" з дзяржавай-ізгоем трэцяга свету, адсоткі прагрэсу ў гэтым пытанні лічаць, у працоўных групах штаны праседжваюць. І галоўнае, народу ні слова. Што рыхтуюць? Канфедэрацыю па пуцінскім сцэнары, як Салідарнасць піша, ці шасцю абласцямі?.. Іх бы самых на тую Грэнландыю выслаць.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру