У Капылі 3 жніўня мужчына спрабаваў напасці з нажом на інспектара ДПС, паведамляе міліцыя.
Супрацоўнікам Капыльскага РАУС паступіла паведамленне ад мужчыны пра тое, што яго сябра ўдарылі нажом. На месца злачынства была накіравана група затрымання аддзялення Дэпартамента аховы і нарад ДАІ, які знаходзіўся побач.
Праваахоўнікі знайшлі зламысніка. Да злачынцы пад'ехалі міліцэйскія машыны. Інспектар ДПС убачыў нож у руках парушальніка, запатрабаваў адкінуць яго і легчы на зямлю, аднак той пайшоў на супрацоўнікаў міліцыі. Толькі пасля трэцяга папярэджання парушальнік кінуў нож і здаўся праваахоўнікам.
Вінаватым у здарэнні аказаўся беспрацоўны нецвярозы жыхар Капыля, які на прыпынку грамадскага транспарту каля крамы «Пралеска» пачаў прыставаць да кампаніі маладых людзей. Тыя папрасілі іх не турбаваць, тады мужчына пайшоў дадому і ўзяў нож. Вярнуўшыся на прыпынак, ён параніў аднаго з хлопцаў у вобласць левай рукі. Пацярпелага шпіталізавалі.
Завялі крымінальную справу па ч.3 арт.339 КК (хуліганства).
